سولتۇستىك قازاقستان وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە, 1999 جىلى تۋعان قىز 1 ناۋرىز كۇنى ساعات 23.35 مينۋتتا جانساقتاۋ بولىمىندە قايتىس بولدى.
ونىڭ دەنەسىنىڭ 65 %-ى كۇيىپ قالعان ەدى.
ەستەرىڭىزگە سالايىق, 21 اقپان كۇنى پەتروپاۆلداعى ينتەرناتسيونال كوشەسى, 21 مەكەنجايىنداعى 5 قاباتتى جاتاقحانادا گاز باللونى جارىلدى.
ەكى ادام قازا تاۋىپ, 15 ادام اۋرۋحاناعا جەتكىزىلدى.
سقو دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, كەشە سول ءۇيدىڭ تۇرعىندارى - ەكى ادام اۋرۋحانادان شىعارىلدى. قازىر جانساقتاۋ بولىمىندە جاتقاندار جوق, ءۇش ادام پالاتادا ەم الىپ جاتىر.
