قارجى نارىعىن رەتتەۋ اگەنتتىگىنىڭ باسشىسى مادينا ابىلقاسىموۆا كەشە جۋرناليستەرمەن كەزدەسكەن كەزدە بيىل قاداعالاۋ پروتسەسىنىڭ جان-جاقتى مودەلىن قۇرۋ ارقىلى بانك سەكتورىنداعى اشىقتىق پەن سەنىمدىلىكتى ارتتىرۋ جانە ونىڭ قارجىلىق تۇراقتىلىعىن باعالاۋ بويىنشا جۇمىستار جالعاساتىنىن ايتتى. اتاپ ايتقاندا, SREP (Supervisory Review and Evaluation Process) ءادىسناماسىنا سايكەس قاداعالاۋ پروتسەسىن ودان ءارى جەتىلدىرۋ AQR ءادىسنامالارى مەن قۇرالدارىن جانە قاداعالاۋ سترەسس-تەستىلەۋىن SREP قۇرامىنا ەنگىزۋ ارقىلى جۇزەگە اسىرىلاتىن بولادى. تاعى ء بىر باسىم باعىت جاڭا رەتتەۋ ادىستەرىن ەنگىزۋ ەكەنى جينالىس بارىسىندا بەلگىلى بولدى.
تاۋەكەل ءپروفيلى تۇراقتى AQR ناتيجەلەرىن ەسكەرە وتىرىپ, SREP باعالاۋى مەن قاداعالاۋ سترەسس-تەستىلەۋىنىڭ ناتيجەلەرى بويىنشا انىقتالادى. اگەنتتىك ەكونوميكانى نەسيەلەندىرۋدى ىنتالاندىرۋ ءۇشىن كەيبىر پرۋدەنتسيالدىق رەتتەۋ شارالارىن 2021 جىلدىڭ سوڭىنا دەيىن ۇزارتۋدى جوسپارلاپ وتىر.
سونىمەن قاتار, ابىلقاسىموۆا شاعىن جانە ورتا كاپيتالداندىرۋدىڭ جەكە جەرگىلىكتى ەميتەنتتەرىنىڭ سانىن كوبەيتۋ ءۇشىن جاڭا سالىق شارتتارى ازىرلەنەتىندىگىن اتاپ ءوتتى. ونىڭ ايتۋىنشا, بۇل كومپانيالارعا IPO شىعىندارىنىڭ ءبىر بولىگىن وتەۋگە مۇمكىندىك بەرەدى.
باسقا ۇسىنىلعان شارالارمەن قاتار, BRM-2025 باعدارلاماسى بويىنشا جەكە سەكتور كومپانيالارىنىڭ وبليگاتسيالارىنا كۋپوندىق سىياقىنى سۋبسيديالاۋ مۇمكىندىگى تالقىلانۋدا. مەملەكەتتىك قولداۋدىڭ جاڭا قۇرالدارى, سونىڭ ىشىندە ولار شىعارعان وبليگاتسيالار بويىنشا مەملەكەتتىك كەپىلدىكتەردى كەڭىرەك قولدانۋ ۇسىنىلادى.
«اگەنتتىك ۇكىمەتپەن بىرگە كۆازيمەملەكەتتىك كومپانيالاردىڭ اكتسيالارىن ورنالاستىرۋ بويىنشا جەكەشەلەندىرۋ باعدارلاماسى شەڭبەرىندە ەكى بيرجالىق پلاتفورمالاردىڭ ينفراقۇرىلىمىن پايدالاناتىن بولشەك جانە ينستيتۋتسيونالدى ينۆەستورلاردىڭ ماكسيمالدى سانىن تارتۋعا باعىتتالعان ۇسىنىستار ازىرلەيدى. سونداي-اق IPO-عا دايىندىق پروتسەسىنە ەميتەنتتەرگە باستاپقى ورنالاستىرۋعا دۇرىس دايىندالۋعا جانە ينۆەستور ءۇشىن شەشىم قابىلداۋ ءۇشىن قاجەتتى اقپاراتتىڭ كولەمىن قالىپتاستىرۋعا كومەكتەسەتىن بىلىكتى قارجىلىق كونسۋلتانتتاردى تارتۋ», دەدى ول.
ابىلقاسىموۆا ءومىردى ساقتاندىرۋ تاقىرىبىنا دا توقتالدى. ول اگەنتتىك ساقتاندىرۋ نارىعى مەن باعالى قاعازدار نارىعىن دامىتۋ تۋرالى زاڭ جوباسىن ازىرلەگەنىن اتاپ ءوتتى. ول ءومىردى ساقتاندىرۋ كومپانيالارىن قازىرگى كەزدە بانكتەر ارقىلى جۇمىس ىستەيتىن مەملەكەتتىك ءبىلىم بەرۋ جيناقتاۋشى جۇيەسىنە قوسۋدى قاراستىرادى. ابىلقاسىموۆانىڭ ناقتىلاپ ايتىپ وتكەنىندەي, بۇل ءونىم اتا-اناعا بولاشاقتا بالانىڭ بىلىمىنە كەتەتىن شىعىندى مەملەكەتكە جىل سايىنعى 5-7% مولشەرىندە تولەۋگە قاراجات جيناۋعا مۇمكىندىك بەرەدى. «قوسىمشا نۇسقا - قايتىس بولعان جاعدايدا اتا-اناسىنىڭ ساقتاندىرۋ تولەمى نەمەسە I, II توپتاعى مۇگەدەكتىك. باسقاشا ايتقاندا, بالانى وقۋعا قابىلداعان كەزدە ومىرگە كەلەڭسىز جاعدايلار تۋىنداعان جاعدايدا (قايتىس بولۋ, اتا-اناسىنىڭ مۇگەدەك بولۋى), ساقتاندىرۋ كومپانياسى بالانىڭ ءبىلىمىن جابۋ ءۇشىن تولەم جاسايدى; ەگەر جوعارىدا اتالعان وقيعالار بولماسا, كەلىسىمشارت بويىنشا جيناقتار, ولاردىڭ ينۆەستيتسيالارى مەن مەملەكەتتەن العان سىيلىقاقىلارىن ەسكەرە وتىرىپ, وقۋ اقىسىن تولەۋگە كەتەدى», دەپ ءتۇسىندىردى ول.
سونىمەن بىرگە, ابىلقاسىموۆا ءبىلىم بەرۋ جيناقتاۋشى ساقتاندىرۋ شارتتارى بويىنشا كەپىلدىك مولشەرىندە شەك جوق ەكەنىن جانە بانكروتتىق جاعدايىندا كەلىسىم-شارتتار ساقتاندىرۋ تولەمدەرىنە كەپىلدىك بەرۋ قورى ەسەبىنەن تولەنەتىندىگىن ءتۇسىندىردى. زاڭ جوباسىن 2021 جىلدىڭ سوڭىنا دەيىن قابىلداۋ جوسپارلانعان.
اگەنتتىك باسشىسى باسشىسى ۇلتتىق مەنەدجمەنت كودەكسى بويىنشا جۇمىس تۋرالى دا ايتتى. ونىڭ ايتۋىنشا, كودەكستىڭ نەگىزگى ماقساتتارى ۇزاق مەرزىمدى تۇراقتى دامۋ جانە ىسكەرلىك قۇنىنىڭ ءوسۋى, اكتسيونەرلەر ۇسىناتىن قاراجاتتىڭ قاۋىپسىزدىگىن قامتاماسىز ەتۋدىڭ ءتيىمدى جۇيەسىن قۇرۋ جانە ولاردى تاۋەكەلدەردى ءتيىمدى باسقارۋعا نەگىزدەلگەن. «كودەكستى قازاقستاندىق ەميتەنتتەردىڭ ساقتاۋى كومپانيالاردىڭ قارجىلىق ناتيجەلەرى مەن باسقارۋ پروتسەستەرى تۋرالى اقپاراتتىڭ قول جەتىمدىلىگىن, اكتسيونەرلەردىڭ, اسىرەسە مينوريتارلىق اكتسيونەرلەردىڭ قۇقىقتارىن ءتيىمدى قورعاۋدى جانە شەتەلدىك ينۆەستورلار تاراپىنان سەنىمدىلىكتى قامتاماسىز ەتەدى. مۇنىڭ ءبارى ينۆەستيتسيالاردى تارتۋ قۇنىن تومەندەتۋگە, باسەكەگە قابىلەتتىلىكتى ارتتىرۋعا جانە باعالاۋ قۇنىن ارتتىرۋعا كومەكتەسەدى. بۇل جۇمىستى 2021 جىلدىڭ اياعىنا دەيىن اياقتاۋ جوسپارلانىپ وتىر», دەپ تۇيىندەدى ابىلقاسىموۆا.
