قر باس مەملەكەتتىك سانيتاريالىق دارىگەرىنىڭ 2021 جىلعى 27 اقپانداعى № 9 قاۋلىسى 4-قوسىمشاسىنىڭ 24- تارماقشاسىنا جانە شىمكەنت قالاسى باس سانيتاريالىق دارىگەردىڭ 01.03.2021 جىلعى №5 قاۋلىسىنىڭ 3 تارماعىنا سايكەس مەكتەپتە وقۋشىلار ىستىق تاماقپەن قامتىلمايدى.
– ەلدەگى جاعدايعا بايلانىستى وقۋشىلاردان مەكتەپ فورماسى مىندەتتەلمەيدى. سونىمەن بىرگە, 1 ناۋرىزدان باستاپ وقۋشىلاردىڭ ءبىلىمىن تولىقتىرۋ ءۇشىن 6,7,8 جانە 10 سىنىپتا 15 وقۋشىدان اسپايتىن قوسىمشا وقىتۋ قاراستىرىلادى. مۇنداي قوسىمشا ساباقتار اتا-انالار مەن مۇعالىمدەردىڭ كەلىسىمىمەن جۇزەگە اسىرىلادى, – دەدى باسقارما باسشىسى.
باستاۋىش سىنىپتاردا – وقۋ ساۋاتتىلىعى, ماتەماتيكا, تىلدەر, دۇنيەتانۋ, تاريح, ينفورماتيكا, جاراتىلىستانۋ, ءوزىن-ءوزى تانۋ جانە دەنەشىنىقتىرۋ پاندەرى مەكتەپتە وقىتىلسا, كوركەم ەڭبەك پەن مۋزىكا قاشىقتان وقىتىلادى.
ءبىتىرۋشى سىنىپتار 70 پايىزى مەكتەپتە, 30 پايىزى قاشىقتان وقيدى. قاشىقتان دەنەشىنىقتىرۋ, ەڭبەك, ءوزىن-ءوزى تانۋ جانە ءااد پاندەرى وقىتىلادى.
قالعان 6,7,8 جانە 10 سىنىپتار 15 بالادان تۇراتىن كەزەكشى سىنىپتا ءبىلىم الادى.
ورتا كاسىپ كوللەدجدەردە 1 كۋرس ستۋدەنتتەرى ءىى سەمەستردى شتاتتىق رەجيمدە وقيدى.
وقۋشىلاردىڭ اتا-انالارى نەمەسە وقۋشى كوروناۆيرۋس جۇقتىرسا مەكتەپ كارانتينگە جابىلمايدى, تەك سىنىپ قاشىقتان وقىتۋعا كوشىرىلەدى.
مەكتەپتە سانيتاريالىق-ەپيدەميالىق تالاپتار قاتاڭ ساقتالىپ, بالالاردىڭ قاۋىپسىزدىگىن جانە دەنساۋلىعىن ساقتاۋ ءۇشىن بارلىق جاعدايلاردى قامتاماسىز ەتىلەدى
ايتا كەتەيىك, وسىعان دەيىن قالادا 22 مەكتەپ كارانتينگە جابىلعان بولاتىن. قازىر 4 مەكتەپ ءالى ەكى اپتالىق كارانتيندە, قالعان مەكتەپتەر ىسكە قوسىلادى.
