ونىڭ ايتۋىنشا, وبلىستا جۇمىسپەن قامتۋدىڭ بەلسەندى شارالارىنا 77 424 ادام تارتىلعان. ونىڭ ىشىندە «ەڭبەك» باعدارلاماسى اياسىندا 57 381, «جۇمىسپەن قامتۋ جول كارتاسى» باعدارلاماسى اياسىندا 20 043 ادام جۇمىسقا ورنالاسقان. «بىلتىر «جۇمىسپەن قامتۋدىڭ جول كارتاسى» اياسىندا قارالعان 64,2 ميلليارد تەڭگەگە 809 جوبا ىسكە اسىرىلىپ, 19 615 جۇمىس ورىندارى اشىلاتىنى جوسپارلانعان. ونىڭ ىشىندە جۇمىسپەن قامتۋ ورتالىقتارى ارقىلى 9 850 جۇمىسقا تۇردى. جىلدىڭ قورىتىندىسىمەن 808 جوبادا جۇمىستار اياقتالدى. وسى جوبالار اياسىندا 20 043 جۇمىس ورىندارى قۇرىلىپ, ونىڭ ىشىندە 10 056-سى جۇمىسپەن قامتۋ ورتالىقتارى ارقىلى جۇمىسقا ورنالاستى», دەدى ءوز سوزىندە اسەل شايمەردەنوۆا.
باسقارما باسشىسى ورىنباسارىنىڭ ايتۋىنشا, بيىل وبلىس بويىنشا 602 ادامعا 2,9 ميلليارد تەڭگە كولەمىندە شاعىن نەسيە قارالعان. بۇگىنگى تاڭدا باعدارلاما اكىمشىلەرى تاراپىنان ورتالىق اتقارۋشى ورگاندارمەن نەسيە شارتتارىنا قول قويىلۋدا. ال, قايتارىمسىز گرانتتار بەرۋ مۇقتاج ازاماتتار ءۇشىن باعدارلامانىڭ ەڭ ءتيىمدى قۇرالىنىڭ ءبىرى بولىپ وتىر. سونداي-اق, وتكەن جىلى اتالعان باعدارلاما بويىنشا بارلىعى 7 783 ادام 4,3 ميلليارد تەڭگەگە گرانت العان. بارلىق گرانت الۋشىلاردىڭ 48,2 پايىزى از قامتىلعاندار مەن كوپ بالالى وتباسىلار بولسا, 24,0 پايىزىن جاستار قۇرايدى.
