«قار مەن ىلعال قورىنىڭ جينالۋى ءالى دە جالعاسۋدا. جاۋىن-شاشىن مولشەرى بويىنشا توتەنشە جاعداي تۋىنداۋ قاۋپى جوعارى وڭىرلەر: اقمولا وبلىسى اۋماعى, قاراعاندى وبلىسى اۋداندارىنىڭ ءبىر بولىگى, سولتۇستىك قازاقستان جانە اقتوبە وبلىستارى, وندا قازىرگى قار قورى كوپجىلدىق باقىلاۋدان 50%-عا اسادى», دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
ءمينيستردىڭ مالىمەتىنشە, ارىق جەلىسى مەن وزەندەردى تازارتۋ جۇمىستارى اياسىندا الماتىعا قاۋىپ ءتونىپ تۇرعان جوق. اناعۇرلىم قاۋىپتى سەل كەزەڭى شىلدە, تامىز, قىركۇيەك ايلارىندا قالىپتاسادى. وسى كەزەڭدە ۆەدومستۆو بولىمشەلەرى پروفيلاكتيكالىق باقىلاۋمەن اينالىسادى.
سونىمەن بىرگە مينيستر ۇلكەن الماتى شاتقالىنا بارۋعا شەكتەۋ قويىلاتىنىن ەسكەرتتى.
«بيىل ءبىز ايۋساي جانە اقساي شاتقالدارىندا ەكى سەل ۇستايتىن بوگەت قۇرىلىسىن باستادىق. جاقىندا عانا جۇمىستى باستاۋعا دايىندىق تەكسەرىلدى. مەن الماتى تۇرعىندارىنا ۇندەۋ جاساعىم كەلەدى. ەڭ الدىمەن الماتى تۇرعىندارى مەن تۋريستەردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ ءۇشىن قۇرىلىس جۇمىستارى جۇرەدى, الماتىلىقتار مەن وڭتۇستىك استانا قوناقتارى جاقسى كورەتىن ۇلكەن الماتى شاتقالىنا بارۋ بويىنشا كەيبىر شەكتەۋلەر ەنگىزىلەتىنىن ەسكەرتكىمىز كەلەدى. سوندىقتان ءتيىستى تۇسىنىستىكپەن قاراۋ كەرەك, ويتكەنى بۇل بولاشاقتا مەگاپوليستىڭ قاۋىپسىزدىگىن قامتاماسىز ەتەدى», دەپ ءتۇسىندىردى يۋ. يلين.
