«اۋىلدا شاعىن نەسيە بەرۋ جالعاساتىن بولادى. وتكەن جىلدىڭ وزىندە بۇل ماقساتقا 43,2 ملرد تەڭگە باعىتتالدى. بۇل 11 مىڭنان استام شاعىن نەسيە بەرۋگە مۇمكىندىك بەردى. ونىڭ 60 پايىزىن ستارتاپ-جوبالار قۇرايدى. باعدارلامانى ىسكە اسىرۋ اۋىلدا 11 مىڭ تۇراقتى جۇمىس ورنىن قۇرۋعا مۇمكىندىك بەردى. الداعى بەس جىلدا 250 ملرد تەڭگە سوماسىنا 50 مىڭ شاعىن نەسيە بەرۋ جوسپارلانىپ وتىر», دەدى اگروونەركاسىپتىك كەشەندى دامىتۋدىڭ نەگىزگى باعىتتارى جانە ينۆەستيتسيالىق جوبالاردىڭ ىسكە اسىرىلۋى تۋرالى بايانداعان ساپارحان وماروۆ.
ونىڭ ايتۋىنشا, ەڭبەك ونىمدىلىگىن ارتتىرۋ ماقساتىندا اگروونەركاسىپتىك كەشەندى مەملەكەتتىك قولداۋدىڭ تيىمدىلىگىن قامتاماسىز ەتۋ بويىنشا جۇمىس جۇرگىزىلىپ جاتىر.
«بۇل ءۇشىن وتكەن جىلى مينيسترلىك سۋبسيديالاۋ تەتىكتەرىن قايتا قارايدى. ولار بەلگىلى ءبىر سالاعا باسا نازار اۋدارماي, بىرىڭعاي تاسىلدەمەنى كوزدەيتىن بولدى. سونداي-اق شاعىن جانە ورتا فەرمەرلەردىڭ سۋبسيديالاۋعا قول جەتكىزۋى شەكتەرى وزگەرتىلدى», دەدى ول.
