مەديتسينا ۋنيۆەرسيتەتىنىڭ سىيى

تاسقىننان زارداپ شەككەن قىزىلاعاش اۋىلىنىڭ تۇر­عىن­دارىنا كورسەتىلگەن قايىرىم­دى­لىق شارالارىنان جوعارى وقۋ ورىندارىنىڭ ۇجىمدارى دا سىرت قالماي كەلەدى. الما­تى­داعى س.اسفەندياروۆ اتىن­داعى قازاق ۇلتتىق مەديتسينا ۋني­ۆەرسيتەتىنىڭ ۇجىمى ءبىر كۇن­دىك جالاقىلارىن جيناپ, مەديتسي­نا­لىق كومەك كورسەتەتىن قۇ­رالدارمەن جابدىقتالعان “جە­دەل جاردەم” اۆتوكولىگىن ساتىپ الىپ, وسىنداعى ءدارى­گەر­لىك امبۋلاتورياعا سىيعا تارتتى. قىزىلاعاش اۋىلىنا ار­نايى كەلگەن ۋنيۆەرسيتەت رەك­تو­رى ايقان اقانوۆ باستاعان, قۇرامىندا اكادەميكتەر تورە­گەل­دى شارمانوۆ, كامال ور­مان­تاەۆ بار دەلەگاتسيا تۇرعىن­دار­عا باسقا تۇسكەن اۋىرت­پا­لىق­قا بەكەم بولىپ, ەل ىرگە­سى­نىڭ بەرىكتىگى ارقىلى قيىندىق­تاردى ەڭسەرە الاتىندىقتارىن جەتكىزدى. بۇگىندە ەلدى مەكەندە 280 ءۇيدىڭ قابىرعاسى قالانسا, 67 ءۇيدىڭ شاتىرى جابىلىپ, ىشكى ارلەۋ جۇمىستارى جالعاسقان. اقتوعان مەن ەگىنسۋ اۋىل­دا­رىندا دا قۇرىلىس قارقىن ال­دى. اقتوعاندا 32 ءۇيدىڭ ىرگە­تا­سى, 11 ءۇيدىڭ كىرپىشى قالانسا, 2-ءۋى بىتۋگە جاقىن.  ەگىنسۋدا دا 22 ۇيدەگى قۇرىلىس جۇمىس­تا­رىنا 200-دەن استام ساۋلەت زەر­گەرلەرى تارتىلىپ, باسپاناسىز قالعان تۇرعىنداردىڭ سۇرانى­سىن ورىنداۋعا كۇش سالۋدا. كۇمىسجان بايجان. الماتى وبلىسى. كومەگىمىزدى ۇسىندىق قىزىلاعاشتاعى سۋ تاسقى­نى­نان بولعان اپات اقجايىق­تىق­تار­دىڭ دا جانىنا باتتى. حال­قىمىزدا ەجەلدەن كەلە جات­قان ءبىر جاقسى قاسيەت بار. ول – وزگەنىڭ قايعىسىن ءوز قاي­عى­سىنداي كورە­تىن, قولۇشىن بە­رىپ, كومەك كورسەتۋگە ءازىر تۇراتىنى. وقيعانى ەستىگەن بوي­دا-اق اۋدان تۇرعىندارى جۇ­دىرىقتاي جۇمىلدى. وعان “نۇر وتان” حدپ اۋداندىق في­ليالى مەن ءماسليحات دەپۋ­تات­تارى ۇيىتقى بولدى. سونىڭ ءنا­تيجەسىندە 3 ميلليون 85 مىڭنان اسا تەڭگە جينالىپ, سو­نى زارداپ شەككەن باۋىر­لارعا جىبەردىك. مۇن­داي كومەك قولىن سوزۋ الداعى ۋاقىتتا دا جالعاسا بەرەتىن بولادى. داۋلەتجان جاقسىباەۆ, اۋداندىق ءماسليحات حاتشىسى. باتىس قازاقستان وبلىسى, اقجايىق اۋدانى.