قازاقستان • 01 ناۋرىز، 2021

«مىڭ العىس»: قايىرىمدىلىق تەلەمارافونىندا 22 ميلليون تەڭگە جينالدى

23 رەت كورسەتىلدى

«قازاقستان» تەلەراديوكورپوراتسياسىنىڭ العىس ايتۋ كۇنىنە جانە قازاق راديوسىنىڭ 100 جىلدىعىنا وراي وتكىزگەن «مىڭ العىس» قايىرىمدىلىق تەلەمارافونىندا كومەككە مۇقتاج جاندار ءۇشىن 22 ملن 200 مىڭ تەڭگە قاراجات جينالدى.

تاڭعى ساعات 09.30-دا باستالعان تەلەمارافون بارىسىندا كوپشىلىكتىڭ قولداۋىمەن وستەوگەنەز سىرقاتىنا داۋا ىزدەگەن ءبىر وتباسىنىڭ بالالارى، 10 جانە 12 جاستاعى نۇريسلام مەن بالنۇر جۇماتايعا، سوزىلمالى بۇيرەك اۋرۋىنا شالدىققان جۋرناليست باعدات مۇحتار ۇلىنا، تۇركيا اۋرۋحاناسىندا لەيكوزبەن كۇرەسىپ جاتقان 3 جاستاعى اقتاۋلىق ءلايلا باقتىباەۆاعا، توبىعى وكشەسىنە ءبىتىپ، بەل ومىرتقاسى ايقاسىپ تۋعان 8 جاستاعى قىزىلوردالىق زارينا نيازبەكتىڭ ەسەپشوتى جاريالانىپ، كوپشىلىك كومەك قولىن ۇسىندى.  نۇريسلام مەن بالنۇر جۇماتايدىڭ اتىنا اشىلعان ەسەپشوتقا 6 675 835 تگ، ءلايلا باحتىباەۆاعا 6 141 749 تگ، زارينا نيازبەككە 4 816 208 تگ، باعدات مۇحتار ۇلىنىڭ ەسەپشوتىنا 4 566 208 تگ ءتۇستى. «قازاقستان» تەلەراديوكورپوراتسياسى كەيىپكەرلەردىڭ الداعى ءومىرى تۋرالى كوپشىلىكتى حاباردار ەتىپ وتىرادى.

سونىمەن قاتار تەلەمارافون بارىسىندا رەسەيدەن 18 جىلدان بەرى ەلىنە جەتە الماي جۇرگەن قازاقستاندىق ازامات تەنگيز ۆيسايتوۆ قاراعاندىدا تۇراتىن اناسى مارەت ۆيسايتوۆمەن جۇزدەستى. «حارەكەت» قايىرىمدىلىق قورىنىڭ ديرەكتورى گۇلميرا مۇقانقىزى ستۋديادا تاعدىردىڭ تاۋقىمەتىن كورىپ، قايتا قاۋىشقان جاندارعا 3 بولمەلى پاتەردىڭ كىلتىن تابىستادى.  

«مىڭ العىس» قايىرىمدىلىق جوباسى 2018 جىلدان بەرى تۇراقتى تۇردە ۇيىمداستىرىلىپ كەلەدى. شارانىڭ نەگىزگى ماقساتى - كومەككە مۇقتاج جاندارعا كوپشىلىكتىڭ اتسالىسۋىمەن قولۇشىن سوزۋ، مەيىرىمدىلىكتى، قايىرىمدىلىقتى ناسيحاتتاۋ، قايىرىمدى جاندارعا العىس ايتۋ

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار