ايماقتار • 01 ناۋرىز، 2021

اقتوبە وبلىسىندا 1-5 سىنىپ وقۋشىلارى تۇگەل مەكتەپكە باراتىن بولدى

9 رەت كورسەتىلدى

اقتوبەدە كارانتين شەكتەۋ شاراسى جەڭىلدەدى. 1-5 سىنىپ وقۋشىلارى ءداستۇرلى وقۋ فورماتىنا كوشتى.

اقتوبە وبلىستىق باس سانيتاريا دارىگەرى جاڭا قاۋلى شىعاردى. بۇگىننەن باستاپ وڭىردەگى كارانتيندىك شەكتەۋ شاراسى تاعى جەڭىلدەدى. قوعامدىق تاماقتانۋ ورىندارىندا ادام سانى سىيىمدىلىقتان 30 پايىزعا اسپاۋى ءتيىس. ياعني، مۇنداعى ادام 50-دەن جوعارى بولماۋى كەرەك.

سونىمەن بىرگە، ءدىني نىساندار قىزمەتىن جانداندىردى. مۇندا دا 30% تالاپ ساقتالادى. جالپى ءبىلىم بەرەتىن مەكتەپتەردەگى 1-5 سىنىپتاردا 25، حالىقارالىق مەكتەپتەردەگى 1- 7 سىنىپتاردا 25 وقۋشىدان اسپايتىن ارالاس وقىتۋعا رۇقسات بەرىلدى.

ء«بىلىم مەكەمەسى اكىمشىلىگىنىڭ شەشىمى بويىنشا ساباقتان تىس ۋاقىتتا جەكە وقىتۋعا رۇقسات. تەك توپتاردا ادام سانى 15-تەن اسپاۋى ءتيىس. سونىمەن بىرگە بيليارد كلۋبتارىنىڭ جۇمىسىنا رۇقسات بەرىلدى. بالالاردىڭ ويىن-ساۋىق ورتالىقتارى دا (جابىق ورىندارداعى اتتراكتسيوندار، ويىن الاڭدارى) جۇمىستى قايتا جانداندىرىرادى. تەك مۇنداعى ادام سانى 50-دەن اسپاۋى ءتيىس»، دەلىنگەن وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ حابارلاماسىندا.

 

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار