ەكونوميكا • 01 ناۋرىز، 2021

قازاقستاندىق كاسىپكەرلەر ءۇشىن سالىق ەسەپتەۋ جەڭىلدەتىلدى

29 رەت كورسەتىلدى

پاندەميادان زارداپ شەككەن سەكتورلاردا جۇمىس ىستەيتىن كاسىپكەرلەر ءۇشىن جاڭا بولشەك سالىقتىڭ ارناۋلى سالىق رەجيمى ەنگىزىلدى. ەندى ولارعا اينالىمنان 3% مولشەرىندە كورپوراتيۆتىك نەمەسە جەكە تابىس سالىعىن تولەۋ جەتكىلىكتى. بۇل شارا مەملەكەت باسشىسىنىڭ تاپسىرماسىن ورىنداۋ شەڭبەرىندە ەنگىزىلەدى. دەگەنمەن بۇل جوبانىڭ قولدانىلۋى 2022 جىلدىڭ سوڭىنا دەيىن جالعاسادى.

قر قم مەملەكەتتىك كىرىستەر كوميتەتىنىڭ ءباسپاسوز قىزمەتى حابارلاعانداي، رەجيم ەرىكتى، ول قر كاسىپكەرلىك كودەكسىنە سايكەس شاعىن جانە ورتا كاسىپكەرلىك سۋبەكتىلەرى بولىپ تانىلعان جانە وسى رەجيمدى قولدانۋ ماقساتىندا قر ۇكىمەتىنىڭ قاۋلىسىمەن انىقتالعان قىزمەتتىڭ ءبىر نەمەسە بىرنەشە ءتۇرىن جۇزەگە اسىراتىن شاعىن جانە ورتا كاسىپكەرلىك سۋبەكتىلەرى ءۇشىن كوزدەلگەن. ول 2 جىلعا ەسەپتەلگەن.

سالىق سالۋ وبەكتىسى جالپىعا بىردەي بەلگىلەنگەن تارتىپپەن ايقىندالاتىن جانە شىعىستارى ەسكەرىلمەيتىن تابىس بولىپ تابىلادى.

رەجيمدى قولدانۋ ءۇشىن سالىق سالۋ وبەكتىسىنەن 3% مولشەرىندە سالىقتىق مولشەرلەمە بەلگىلەنگەن. سالىق جەكە كاسىپكەرلەردەن جەكە تابىس سالىعى تۇرىندە (تولەم كوزىنەن ۇستالاتىن سالىقتاردان باسقا)، سول سياقتى زاڭدى تۇلعالاردان - كورپوراتيۆتىك تابىس سالىعى تۇرىندە تۇسەتىن بولادى.

سالىق كەزەڭى– كۇنتىزبەلىك توقسان.

بولشەك سالىقتىڭ ارناۋلى سالىق رەجيمىنە وتۋگە نيەت بىلدىرگەندەر دەكلاراتسيانى سالىق تولەۋشىنىڭ ورنالاسقان جەرى بويىنشا سالىق ورگانىنا ەسەپتى سالىق كەزەڭىنەن كەيىنگى ەكىنشى ايدىڭ 15-ىنەن كەشىكتىرمەي تابىس ەتەتىن بولادى. ولار الەۋمەتتىك سالىق تولەۋشىلەر بولىپ تابىلمايدى.

كورسەتىلگەن رەجيمگە ءوتۋ ءۇشىن سالىق تولەۋشىگە قولدانىلاتىن رەجيم تۋرالى حابارلامانى (نىسانى قوسا جالعاندى) سالىق ورگانىنا تابىس ەتۋ قاجەت. اۋىسۋ قولدانىلاتىن سالىق سالۋ رەجيمى تۋرالى حابارلاما بەرىلگەن ايدان كەيىنگى ايدىڭ 1-كۇنىنەن باستاپ جۇرگىزىلەدى.

اعىمداعى ساتتە كاسىپكەرلەر حابارلامانى مەملەكەتتىك كىرىستەر كوميتەتىنىڭ سايتىندا ورنالاستىرىلعان نىسان بويىنشا، «ەلەكتروندىق ۇكىمەت» ۆەب-پورتالى ارقىلى جانە پوشتا ارقىلى نەمەسە تىكەلەي قاعاز جەتكىزگىشتە سالىق تولەۋشىنىڭ ورنالاسقان جەرى بويىنشا مەملەكەتتىك كىرىستەر ورگاندارىنا ۇسىنا الادى.

بۇدان ءارى، قر ادىلەت مينيسترلىگىمەن حابارلامالار نىساندارى كەلىسىلگەننەن كەيىن، ءتيىستى مەرزىمدەردە بولشەك سالىقتىڭ ارناۋلى سالىق رەجيمىنە ءوتۋ تۋرالى حابارلاما ۇسىنعان سالىق تولەۋشىلەردى اۋىستىرۋ قامتاماسىز ەتىلەتىن بولادى.

سونداي-اق بولشەك سالىقتىڭ ارناۋلى سالىق رەجيمىن قولداناتىن تۇلعالاردىڭ اينالىمى قوسىلعان قۇن سالىعى بويىنشا ەسەپكە قويۋ ماقساتتارى ءۇشىن بەلگىلەنگەن اينالىمدارعا ەنگىزىلمەيتىن نورما ەنگىزىلگەنىنە نازار اۋدارامىز.

قوسىلعان قۇن سالىعىن تولەۋشىلەر بولىپ تابىلاتىن جانە بولشەك سالىقتىڭ ارناۋلى سالىق رەجيمىنە كوشۋدى شەشكەن تولەۋشىلەر ققس تولەۋشى رەتىندە تىركەۋ ەسەبىنەن شىعارىلادى. ول ءۇشىن وسىنداي رەجيمدى قولدانۋعا دەيىن بەس جۇمىس كۇنىنەن كەشىكتىرمەي سالىقتىق ءوتىنىش بەرۋ قاجەت.

بۇدان باسقا، ەگەر قىزمەتتىڭ بىرنەشە ءتۇرى، ونىڭ ىشىندە «بولشەك سالىقتىڭ ارناۋلى سالىق رەجيمىن قولدانۋ ماقساتتارى ءۇشىن قىزمەت تۇرلەرىن ايقىنداۋ تۋرالى" قازاقستان رەسپۋبليكاسى ۇكىمەتىنىڭ 2021 جىلعى 2 اقپانداعى №30 قاۋلىسىمەن ايقىندالعان تىزبەگە ەنبەگەن تۇلعالارمەن جۇزەگە اسىرىلسا، وندا مۇنداي جاعدايدا سالىق تولەۋشى بولشەك سالىقتىڭ ارناۋلى سالىق رەجيمىن قولدانۋعا قۇقىلى ەمەس.

بىرىڭعاي جەڭىلدىك مولشەرلەمەسىمەن جانە ققس پەن الەۋمەتتىك سالىقتان بوساتۋمەن بولشەك سالىق رەجيمىن ەنگىزۋ پاندەميادان زارداپ شەككەن ەكونوميكانىڭ سەكتورلارىندا جۇمىس ىستەيتىن بيزنەس سۋبەكتىلەرى ءۇشىن ۋاقىتشا جانە قاجەتتى قولداۋ شاراسى بولىپ تابىلادى جانە ولارعا سالىق سالۋدى ايتارلىقتاي جەڭىلدەتۋگە مۇمكىندىك بەرەدى.

 

 

 

 

 

 

 

 

 

 

 

 

 

 

سوڭعى جاڭالىقتار

ارالدا توتەنشە جاعداي جاريالانادى

ەكولوگيا • 18 ماۋسىم، 2021

ۇقساس جاڭالىقتار