قوعام • 01 ناۋرىز، 2021

تىيىم سالىنعان زاتتاردى كولونيا اۋماعىنا كىرگىزبەك بولعان الماتىلىق كاسىپكەر ۇستالدى

54 رەت كورسەتىلدى

الماتى وبلىسىندا كولونيا اۋماعىنا تىيىم سالىنعان زاتتاردى كىرگىزبەك بولعان كاسىپكەر ۇستالدى، دەپ حابارلايدى Egemen.kz Polisia.kz سايتىنا سىلتەمە جاساپ.

الماتى وبلىسىنىڭ لا-155/14 مەكەمەسىنە اتالعان كولونيانىڭ اۋماعىندا جۇمىس ىستەيتىن جەكە كاسىپكەر تىيىم سالىنعان زاتتاردى الىپ وتۋگە تىرىسقان.

مەكەمە اۋماعىندا ورنالاسقان، سوتتالعاندارعا جۇمىس ورىندارىن ۇسىناتىن كاسىپورىنعا ارنالعان قۇرىلىس ماتەريالدارىن جەتكىزۋ كەزىندە كاسىپكەر اعاشتاردىڭ اراسىندا تىيىم سالىنعان زاتتاردى تىعىپ الىپ، ولاردى مەكەمە اۋماعىندا سوتتالعانداردىڭ پايدالانۋى ءۇشىن وتكىزبەك بولدى.

الايدا، رەجيم ءبولىمىنىڭ تەكسەرۋ توبىنىڭ جەدەل ۋاكىلى ازات سىدىقوۆتىڭ قىراعىلىعىنىڭ ارقاسىندا جانە “لورنەت” قۇرىلعىسىنىڭ كومەگىمەن مەكەمەگە 32 ۇيالى تەلەفون، 30 قۋاتتاۋ قۇرىلعىسى مەن 16 قۇلاققاپتى كىرگىزۋ دەرەگىنىڭ جولى كەسىلدى.

 – اتالعان فاكت بويىنشا مەكەمەگە پروتسەسسۋالدىق شەشىم قابىلداۋ ءۇشىن قاپشاعاي قالاسىنىڭ جەدەل-تەرگەۋ توبى شاقىرىلدى، – دەپ اتاپ ءوتتى مەكەمە باستىعى رۋسلان عابيبوۆ.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار