ايماقتار • 01 ناۋرىز، 2021

رەسەي ينۆەستورلارى اتىراۋعا بەت بۇردى

188 رەت كورسەتىلدى

اتىراۋ وبلىسىندا رەسەي ينۆەستورلارىنىڭ قاتىسۋىمەن 3،6 ملرد تەڭگەنىڭ ەكى جوباسىن ىسكە اسىرۋ كوزدەلىپ وتىر.

رەسەيلىك ينۆەستورلارمەن كەزدەسكەن وبلىس اكىمى ماحامبەت دوسمۇحامبەتوۆتىڭ ايتۋىنشا، اتىراۋدا ينۆەستيتسيالىق جوبالاردى ىسكە اسىرۋعا مول مۇمكىندىك بار.

«ينۆەستيتسيالىق جوبالار ايماقتىڭ الەۋمەتتىك-ەكونوميكالىق دامۋىنا وڭ ىقپالىن تيگىزەدى. سوندىقتان، وبلىس ەكونوميكاسىنىڭ وركەندەۋىنە سەپتىگى تيەتىن ينۆەستيتسيالىق جوبالاردى قولداۋعا دايىنبىز»، دەيدى ماحامبەت دوسمۇحامبەتوۆ.

اتىراۋدا ەكى جوبانى قولعا الاتىن ينۆەستور – «ۋلتراستاب» جشق-نىڭ ديرەكتورى و.كوستىلەۆتىڭ مالىمەتىنشە، قازىر ينۆەستيتسيالىق جوبانىڭ ءبىرىنشى كەزەڭى ءۇشىن شەتەلدەن ەكى ستانوك ساتىپ الىنىپتى. ەندى وندىرىستىك جابدىقتارعا تاپسىرىس بەرىلىپتى. جوبانىڭ تەحنيكالىق-ەكونوميكالىق نەگىزدەمەسى دايىن تۇر.

«جىلىنا 3 ملن شارشى مەتر گەوسينتەتيكا شىعارۋ تسەحىنا 38 ادامدى تۇراقتى جۇمىسپەن قامتۋ كوزدەلدى. ال، ەكسترۋزيوندىق گەوسينتەتيكا تسەحىنا 44 ادام تۇراقتى جۇمىسقا ورنالاسادى. ونىڭ قۋاتى جىلىنا – 5 ملن شارشى مەتر. بۇل تسەحتار جىل سوڭىنا دەيىن ىسكە قوسىلىپ، ءونىم شىعارا باستايدى»، دەيدى و.كوستىلەۆ.

بۇل جوبالارعا قاجەتتى شيكىزات ازىرگە شەتەلدەن تاسىمالدانادى. كەيىن شيكىزات  اتىراۋداعى KPI كومپانياسى ىسكە اسىرىپ جاتقان ينتەگراتسيالانعان گاز-حيميا كەشەنىنەن الىنادى.

رەسەي ينۆەستورلارى ىسكە اسىراتىن جوبالاردا قۇرىلىسقا قاجەتتى سان ءتۇرلى دايىن ءونىم شىعارۋدى كوزدەلىپتى. ونىڭ ىشىندە اۆتوكولىك پەن تەمىرجول قۇرىلىسىنا، ونەركاسىپتىك قالدىقتاردى ساقتاۋ مەن جاعالاۋدى بەكىتۋگە قولدانىلاتىن ماتەريالدار بار.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار