قوعام • 01 ناۋرىز، 2021

ەلوردادا الەۋمەتتىك از قامتىلعان 30 وتباسىعا ازىق-ت ۇلىك سەبەتتەرى تاپسىرىلدى

6 رەت كورسەتىلدى

ەلوردادا «العىس ايتۋ» كۇنىنە وراي ءارى ەگەمەندىكتىڭ 30 جىلدىق مەرەيتويى قارساڭىندا «يگى ىستەر مارافونى» اياسىندا «Magnum Cash&Cary» ساۋدا ورتالىعىنىڭ قولداۋىمەن «جاس سارباز» جاسوسپىرىمدەر اسكەري-پاتريوتتىق قوزعالىسى رقب نۇر-سۇلتان قالالىق فيليالىنىڭ ۇيىمداستىرۋىمەن الەۋمەتتىك از قامتىلعان 30 وتباسىعا، سول سياقتى «استانا تازالىق» جشس قىزمەتكەرلەرىنە جانە اۋعان سوعىسى ارداگەرلەرىنە ازىق-ت ۇلىك سەبەتتەرىن تابىستادى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

اتالمىش شاراعا قازاقستان رەسپۋبليكاسى قورعانىس مينيسترىلىگىنىڭ وكىلدەرى، سول سياقتى نۇر-سۇلتان قالالىق «جاستار ساياساتى ماسەلەلەرى» باسقارماسىنىڭ جاستارمەن جۇمىس ءبولىم باسشىسى اقۇلان تاستەمىر، «استانا جاستارى» جرو وكىلى ارايلىم ءساپارالى، «جاس سارباز» جاسوسپىرىمدەر اسكەري-پاتريوتتىق قوزعالىسى نۇر-سۇلتان قالالىق فيليالىنىڭ توراعاسى اسحات نالشىبەك قاتىستى.

«بۇگىن، ياعني 1 ناۋرىز – العىس ايتۋ كۇنى قارساڭىندا، «جاس سارباز» اسكەري-پاتريوتتىق قوزعالىسى نۇر-سۇلتان قالالىق فيليالى، «استانا جاستارى» جاستار رەسۋرستىق ورتالىعى، نۇر-سۇلتان قالاسىنىڭ اكىمدىگى بىرلەسىپ، Magnum سۋپەرماركەتتەرىنىڭ قولداۋىمەن «استانا تازالىق» جشس جۇمىسشىلارىنىڭ اراسىنداعى جالعىزباستى انالاردى، كوپبالالى وتباسىلاردى، اۋعان سوعىسى ارداگەرلەرىنە، قالامىزدىڭ شالعاي اۋداندارىنداعى جاعدايى تومەن وتباسىلارعا ازىق-ت ۇلىك سەبەتتەرىن تاراتىپ قايتتىق»، - دەيدى جاسوسپىرىمدەر اسكەري-پاتريوتتىق قوزعالىسى نۇر-سۇلتان قالالىق فيليالىنىڭ توراعاسى اسحات نالشىبەك.

ءوز كەزەگىندە «استانا تازالىق» جشس قىزمەتكەرى گ. سادۋاقاسوۆا قولعابىس ەتىپ جۇرگەن جاستارعا العىسىن ءبىلدىردى.

«ەلوردالىق جاس ساربازدار مەرەكە سايىن قۇتتىقتاپ، قولداۋ ءبىلدىرىپ جۇرەدى. قاقاعان قىستا قار كۇرەۋگە كومەكتەسىپ، وزدەرىمەن بىرگە ىستىق باۋىرساقتارى مەن ءشايىن اكەپ كوڭىل-كۇيىمىزدى كوتەرىپ تۇرادى. وسىنداي جاستار باردا ەلىمىزدىڭ دامۋىنا ءۇمىتىمىز مول. نۇر-سۇلتان قالاسىنىڭ اكىمدىگىنە، جاس ساربازدارعا العىسىمىزدى بىلدىرەمىز»، - «استانا تازالىق» جشس قىزمەتكەرى گ. سادۋاقاسوۆا.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار