قوعام • 01 ناۋرىز، 2021

ەلورداداعى تابىسى از وتباسىلارعا سىيلىق سەرتيفيكاتتارى بەرىلدى

6 رەت كورسەتىلدى

1 ناۋرىز – العىس ايتۋ كۇنىنە وراي قر ەڭبەك جانە حالىقتى الەۋمەتتىك قورعاۋ مينيسترلىگىنىڭ  قىزمەتكەرلەرى رەسپۋبليكا استاناسىندا تۇراتىن تابىسى از وتباسىلارعا سىيلىق سەرتيفيكاتتارىن تابىس ەتتى، دەپ حابارلايدى Egemen.kz.

مەرەكە كۇنى ەڭبەكمينىنىڭ كاسىپوداق مۇشەلەرى نۇر-سۇلتان قالاسىندا تۇراتىن اتاۋلى الەۋمەتتىك كومەك الاتىن 8 تابىسى از وتباسىنا بارىپ، ولارعا «Magnum» ساۋدا جەلىسىنىڭ دۇكەندەرىنەن ازىق-ت ۇلىك ساتىپ الۋ ءۇشىن سىيلىق سەرتيفيكاتتارىن تابىس ەتتى.

ەڭبەكمينىنىڭ ۇجىمى بارلىق قازاقستاندىقتاردى وسى تاماشا مەرەكەمەن قۇتتىقتايدى جانە ءاربىر وتباسىنا مىقتى دەنساۋلىق، باقىت جانە اماندىق تىلەيدى.

ەستەرىڭىزگە سالا كەتەيىك، العىس ايتۋ كۇنى 2016 جىلى قر تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن بەكىتىلگەن بولاتىن. ءبىر جىل بۇرىن، قازاقستان حالقى اسسامبلەياسىنىڭ 22-ءشى سەسسياسىندا ەلباسى العىس ايتۋ كۇنىن اتاپ ءوتۋدى ۇسىندى جانە بۇل كۇنى ەلىمىزدىڭ ءتۇرلى ەتنوستارىنىڭ وكىلدەرى قازاقستانعا جەر اۋدارىلعان جىلدارى توزىمدىلىك پەن قوناقجايلىق كورسەتكەنى ءۇشىن قازاقتارعا جانە ءبىر-بىرىنە العىس ايتا الاتىنىن اتاپ ءوتتى.

العىس ايتۋ كۇنى – قازاقستاندا جۇرگىزىلىپ جاتقان بەيبىتشىلىك پەن كەلىسىم ساياساتىنىڭ، سونداي-اق كوپۇلتتى حالقىمىزدىڭ ورتاق تاريحي جادىنىڭ سيمۆولى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار