اۋليەاتالىقتار العىس ايتۋ كۇنىن اتاپ وتۋدە

ايماقتار • 01 ناۋرىز، 2021

اۋليەاتالىقتار العىس ايتۋ كۇنىن اتاپ وتۋدە

15 رەت كورسەتىلدى

العىس ايتۋ كۇنى اۋليەاتا وڭىرىندە دە وزىندىك ءسان-سالتاناتىمەن اتالىپ ءوتتى. ايتۋلى مەرەكە قارساڭىندا تارازدىقتار قالا ورتالىعىنداعى «اربات-1» اللەياسىندا ورنالاسقان «قازاق حالقىنا مىڭ العىس» مونۋمەنتىنە گۇل شوقتارىن قويدى، دەپ جازادى Egemen.kz.

حاميت ەسامان

گۇل قويۋ راسىمىنە ءوڭىردىڭ زيالى قاۋىم وكىلدەرى، قالا تۇرعىندارى مەن قوناقتارى، وبلىستىق قازاقستان حالقى اسسامبلەياسىنىڭ مۇشەلەرى، ەتنومادەني بىرلەستىكتەردىڭ باسشىلارى مەن بەلسەندىلەرى، اسسامبلەيا جانىنداعى انالار كەڭەسىنىڭ وكىلدەرى مەن جەرگىلىكتى جاستار قاتىستى. اتالعان شاراعا جامبىل وبلىسىنىڭ اكىمى بەردىبەك ساپارباەۆ تا ارنايى قاتىسىپ، كوپشىلىكتى قۇتتىقتادى.

758

«ەلباسى نۇرسۇلتان ءابىش ۇلى نازارباەۆتىڭ جارلىعىمەن بۇل ايتۋلى كۇن ەلىمىزدە 2016 جىلدان بەرى اتالىپ وتۋدە. بۇل كۇن، ەڭ الدىمەن – تىنىشتىق پەن ۇندەستىك، بەيبىتشىلىك پەن كەلىسىمنىڭ سالتانات قۇرعان كۇنى. راسىندا، وتكەن تاريحتا تاعدىر تاۋقىمەتىمەن ۇلى دالا توسىنە ءار جىلداردا بۇتىندەي ءبىر حالىقتار، 800 مىڭعا جۋىق نەمىس، 102 مىڭ پولياك، 550 مىڭ سولتۇستىك كاۆكاز حالىقتارىنىڭ وكىلدەرى، 18 مىڭنان استام قيىر شىعىستاعى كورەي وتباسىلارى قونىس اۋداردى. قازاق حالقى قيىن-قىستاۋ زاماندا ولاردىڭ باسىنا تۇسكەن اۋىرتپالىقتى قايىسپاي بىرگە كوتەرە ءبىلدى، باۋىرمالدىقتىڭ ۇلگىسىن كورسەتتى. وسىلايشا تاۋەلسىز ەلىمىزدە 130-دان اسا ۇلت وكىلدەرى ءبىر شاڭىرىق استىنا توپتاسىپ، ءبىرتۇتاس قازاقستان بىرەگەي ارتىقشىلىقتارعا يە بولدى. ازاماتتار بۇگىن ءبىر-بىرىنە وكپە رەنىشى بولسا كەشىرۋى قاجەت. ءبىر-بىرىنە دەگەن ىزگى تىلەكتەرى مەن لەبىزدەرىن، اقجارما العىستارىن ءبىلدىرۋى كەرەك. ارقايسىمىزدىڭ جۇرەگىمىزدە تۋعان ەلىمىز قازاقستانعا دەگەن ماقتانىش پەن ريزاشىلىق سەزىمى ۇيالاي بەرسىن! ءار وتباسىعا باق-بەرەكە، ەلىمىزگە بەيبىت ءومىر جانە تابىس تىلەيمىن! – دەدى اكىم. سونىمەن قاتار، مەرەكەلىك شارادا «تاراز قالالىق وزبەك ەتنومادەني بىرلەستىگىنىڭ» توراعاسى ابدۋراحمان زاينۋتدينوۆ پەن تاراز قالاسىنداعى №34 ورتا مەكتەپتىڭ ديرەكتورى، «دۇنگەن ەتنومادەني بىرلەستىگىنىڭ» مۇشەسى دينارا نۋراليەۆا ءسوز الىپ، ەگەمەن ەلىمىزدەگى بەيبىتشىلىك پەن تاتۋلىق ءۇشىن العىس ءبىلدىردى.

752

العىس ايتۋ كۇنىنە ارنالعان شارادا ەتنومادەني بىرلەستىكتەر ءوز تاراپىنان 10 شاتىر تىگىپ، قولونەر جانە «دوستىق داستارحانى» ۇلتتىق تاعامدار كورمەسىن ۇيىمداستىردى. كوپشىلىك ءبىر-ءبىرىن مەرەكەسىمەن قۇتتىقتاپ، داستارحاننان ءدام تاتتى. ال، شارادا «قازاق» ەتنومادەني بىرلەستىگىنىڭ مۇشەلەرى «قازاق وسى» ءانىن شىرقاسا، «وزبەك» ەتنومادەني بىرلەستىگىنىڭ مۇشەلەرى كوپشىلىككە ۇلتتىق اندەرىن تارتۋ ەتتى. سونداي-اق، بۇل كۇنى تاراز قالاسىنىڭ بىرقاتار كوشەلەرىندە تال ەگۋ اكتسياسى باستاۋ الىپ، اتالعان باستاما ءوڭىر اۋداندارىندا دا جالعاستى.

758 758