ەكونوميكا • 28 اقپان، 2021

اۋە كومپانيالارىنىڭ تابىسى قۇلدىرادى

22 رەت كورسەتىلدى

2021 جىلدىڭ قاڭتار ايىندا وتاندىق اۋە كومپانيالارىنىڭ تابىسى 19،6 ملرد تەڭگەنى قۇراپ، الدىڭعى جىلمەن سالىستىرعاندا 40،8 پايىزعا قۇلدىراۋ بايقالعان.

اتالعان سومانىڭ 17،9 ميللياردى جولاۋشىلار تاسىمالىنان تۇسسە، 1،7 ميلليارد تەڭگە – جۇك تاسىمالىن جۇزەگە اسىرۋدان تۇسكەن پايدا. 2020 جىلى قاڭتار ايىندا بۇل سالاداعى تابىس 33،1 ملرد تەڭگەنى قۇراپ، 2019-دىڭ باسىمەن سالىستىرعاندا 31،3 پايىز ءوسىم كورسەتكەن ەدى. بىلتىرعى قاتاڭ شەكتەۋلەردىڭ اۋە كومپانيالارىنا وڭاي تيمەگەنىن وسى ءبىر ايىرماشىلىقتان-اق وڭاي اڭعارۋعا بولاتىنداي.

وسى جىلدىڭ قاڭتار ايىنىڭ وزىندە ەل اۋماعىندا 592،1 مىڭ ادام تاسىمالدانىپ، جالپى جولاۋشىلار اعىنى 845،7 ملن جولاۋشى-شاقىرىمدى قۇراعان. ءبىر ايدا تاسىمالدانعان جۇك كولەمى 2،5 مىڭ توننا، ال جۇك اينالىمى 5،4 ملن توننا-شاقىرىم كورسەتكىشىنە يە.

Finprom.kz اقپاراتى بويىنشا، «ەير استانا» اۋە كومپانياسىنىڭ رەيستەردى ءوز ۋاقىتىندا ورىنداۋ كورسەتكىشى قاڭتار ايىندا 90،9 پايىز بولعان. كومپانيا بىلتىر ءوز ۋاقىتىندا رەيس ورىنداۋ كورسەتكىشىن 87،6 پايىز دەپ مالىمدەگەن.

 

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار