«ساپار بارىسىندا جوعارى دەڭگەيدەگى كەلىسسوزدەر مەن ەكىجاقتى قۇجاتتارعا قول قويۋ, سونداي-اق مەملەكەتتىك ساپار مارتەبەسىنە سايكەس پروتوكولدىق ءىس-شارالار جوسپارلانعان.
سونىمەن قاتار قىرعىز رەسپۋبليكاسىنىڭ پرەزيدەنتى س.جاپاروۆ قازاقستاننىڭ بيزنەس-قوعامداستىعىمەن كەزدەسۋ وتكىزەدى», دەلىنگەن قر ءسىم حابارلاماسىندا.
قر پرەزيدەنتىنىڭ ءباسپاسوز حاتشىسى بەرىك ءۋالي Facebook پاراقشاسىندا, «شاعىن جانە كەڭەيتىلگەن قۇرامدا وتەتىن كەلىسسوزدەر بارىسىندا ساۋدا-ەكونوميكالىق, كولىك-لوگيستيكالىق, سۋ-ەنەرگەتيكالىق, مادەني-گۋمانيتارلىق سالالارداعى ىنتىماقتاستىقتى نىعايتۋعا باسىمدىق بەرە وتىرىپ, قازاق-قىرعىز ستراتەگيالىق سەرىكتەستىگى مەن وداقتاستىعىنىڭ قازىرگى جاعدايى جانە پەرسپەكتيۆالارى تالقىلاناتىندىعى كوزدەلىپ وتىرعاندىعىن» حابارلادى.
(مەملەكەت باسشىلارى ورتالىق ازياداعى, ەۋرازيالىق ەكونوميكالىق وداقتاعى جانە وزگە دە كوپجاقتى قۇرىلىمدارداعى ينتەگراتسيالىق ۇدەرىستەردى دامىتۋ جونىندە, سونداي-اق, كۇن تارتىبىندەگى حالىقارالىق وزەكتى ماسەلەلەر بويىنشا پىكىر الماسادى دەپ كۇتىلۋدە. ساپار قورىتىندىسى بويىنشا بىرقاتار ەكىجاقتى كەلىسىمدەرگە قول قويىلماق», دەپ جازدى بەرىك ءۋالي.
