ايماقتار • 26 اقپان، 2021

نۇرسۇلتان نازارباەۆ قورى قايىرىمدى دا باتىل وتانداستارىمىزدى ماراپاتتادى

39 رەت كورسەتىلدى

وزگەنىڭ قايعىسىن بولىسۋگە جانە رياسىز كومەككە دايىن، يگى ىستەردىڭ باستاۋشىسى بولاتىن جاندار از ەمەس.  مەيىرىمدى، باۋىرمال، قايىرىمدى، جومارت ادامدار – كەز كەلگەن قوعامنىڭ نەگىزگى تىرەگى جانە ولاردىڭ بولۋى ماڭىزدى. بۇگىن الماتى قالاسىندا  جۇرەگى كەڭ ابزال ازاماتتار ماراپاتتالدى. 

نۇرسۇلتان نازارباەۆ قورى مەن قازاقستاننىڭ ىسكەر ايەلدەر قاۋىمداستىعى «قايىرىمدىلىق كەرۋەنى» رەسپۋبليكالىق بايقاۋىن وسىمەن ءۇشىنشى جىل ۇيىمداستىرىپ جاتىر.  

ءىس-شاراعا الماتى قالاسىنىڭ اكىمى باقىتجان ساعىنتاەۆ قاتىستى. 

بايقاۋ قايىرىمدىلىق يدەيالارىن ناسيحاتتاۋعا، بەلسەندى ازاماتتىق باستامانى دامىتۋعا باعىتتالعان. 

جوباعا قاتىسۋشىلار - جارقىن تۇلعالار. ولار مۇقتاج ادامدارعا كومەكتەسەدى، قايىرىمدىلىقپەن بەلسەندى اينالىسادى، باتىلدىق تانىتادى. ولاردىڭ اراسىندا ەلىمىزدىڭ مادەنيەتىن دامىتۋعا ات سالىساتىن، ەكولوگيالىق ماسەلەلەردى شەشەتىن، الەۋمەتتىك كاسىپكەرلىكتى جۇزەگە اسىراتىندار دا بار.

ءداستۇرلى تۇردە بايقاۋ جەڭىمپازدارىنىڭ ەسىمدەرى بەس نوميناتسيا اياسىندا انىقتالادى: «اسار»، «تۋعان جەر»، «مەيىرىم جولىندا»، «باتىل جۇرەك»، «قايىرىمدىلىق تاريحى». الايدا، بيىل كوميسسيا مۇشەلەرى تاعى ەكى نوميناتسيا – «بالا جۇرەگى» جانە «جانۋارعا مەيىرىم» نوميناتسيالارىن تاعايىنداۋ تۋرالى شەشىم قابىلدادى. 

بايقاۋدىڭ ماڭىزدىلىعىن اتاپ وتكەن نۇرسۇلتان نازارباەۆ قورىنىڭ ديرەكتورى داريعا نازارباەۆا بايقاۋعا قاتىسۋعا نيەت ەتكەن مەيىرىمدى، قايىرىمدى ادامداردىڭ سانى جىل سايىن كوبەيىپ كەلە جاتقانىنا نازار اۋداردى. العاشقى بايقاۋ ۇيىمداستىرىلعاننان بەرگى ءۇش جىلدا قاتىسۋشىلار سانى جەتى ەسەگە ارتىپ، 2020 جىلدىڭ وزىندە 667 ادامدى قۇراعان.

- بيىلعى «قايىرىمدىلىق كەرۋەنى» ەرەكشە. كوروناۆيرۋس پاندەمياسى، كارانتيندىك شەكتەۋلەر ارقايسىمىزدىڭ ومىرىمىزگە اسەر ەتتى. بۇگىنگى شاراعا قاتىسۋشىلار اراسىندا وسى قيىن-قىستاۋ كەزەڭدە ءوز كۇشتەرى مەن مۇمكىندىكتەرىن اياماعانداردى ەرەكشە اتاپ وتكىم كەلەدى، - دەدى قور ديرەكتورى.

ونىڭ پىكىرىنشە، ء«اربىر وقيعانىڭ ارتىندا ادام باسىنا تۇسكەن قايعى مەن مۇڭ جانە مەيىرىمدىلىك پەن ماحاببات تۇر. مەيىرىمدىلىك پەن  ىنتىماقتاستىق  بىرلەسكەن كەزدە، توتەپ بەرە المايتىن قيىندىق بولماق ەمەس! جارقىن وقيعالاردىڭ كۋاسى بولۋ ۇلكەن قۋانىش. سونداي-اق، حالقىمىز ءۇشىن، ەلىمىز ءۇشىن، تۋعان قازاقستانىمىز ءۇشىن ماقتانىش سەزىمى ويانادى».

داريعا نۇرسۇلتانقىزى «بايقاۋعا قاتىسۋشىلار وزگەلەرگە جاقسىلىق جاساۋدان ءلاززات تاباتىن، ومىرگە قۇشتار كەڭ جۇرەكتى جاندار، ولار وزدەرىنىڭ جارقىن ءىس-ارەكەتتەرىمەن وسكەلەڭ ۇرپاققا ۇلگى بولىپ قانا قويماي، مەيىرىمدى بولۋعا ىنتالاندىرادى»، - دەپ اتاپ ءوتتى.

بايقاۋعا قاتىسۋشىلار – ءومىردىڭ ءتۇرلى سالاسىندا قىزمەت ەتەتىن ادامدار - كاسىپكەرلەر، قوعامدىق ۇيىم وكىلدەرى، ءبىلىم بەرۋ سالاسىنىڭ ماماندارى، ەرەكشە قاجەتتىلىكتەرى بار ادامدار، قۇقىق قورعاۋ ورگاندارىنىڭ قىزمەتكەرلەرى، جۋرناليستەر مەن بلوگەرلەر.

كوميسسيا مۇشەلەرىنە جەڭىمپازداردى انىقتاۋ وڭاي بولعان جوق، ويتكەنى ءاربىر قاتىسۋشىنىڭ ىزگىلىككە، گۋمانيزم مەن پاتريوتيزمگە تولى ەرەكشە جانە اسەرلى تاريحى بار.

جەتى اتالىمنىڭ ارقايسىسى بويىنشا جەڭىمپازدار انىقتالىپ، ولارعا I، II جانە III ورىندار بەرىلدى. سونىمەن قاتار جۇلدەلى ورىندارعا يە بولماعان ۇزدىك فيناليستەر ىنتالاندىرۋ سىيلىقتارىن يەلەندى. 

«قايىرىمدىلىق كەرۋەنى»  I ورىن يەگەرلەرى:

- «اسار» نوميناتسياسىندا - ابىلايحان اسىلباي،سەمەي قالاسى. ءبىرىنشى ورىن قازاقستاندىق جانە شەتەلدىك قوعام اراسىندا ۇلتتىق قول ونەر بۇيىمدارىن دايىنداۋ ءداستۇرىن تانىمال ەتۋگە قوسقان ەرەكشە ۇلەسى ءۇشىن بەرىلدى;

- «تۋعان جەر» نوميناتسياسى - داۋرەن كۇلدىشەۆ، سەمەي قالاسىنىڭ تۇرعىنى. ول كوپ بالالى وتباسىلارعا كومەگىن اياعان ەمەس، سونداي-اق كوروناۆيرۋس پاندەمياسى كەزىندە ادامداردى قۇتقارۋعا ات سالىستى (17 ملن. تەڭگەگە 185 ءوجج اپپاراتى، دارىلىك زاتتار ساتىپ الىندى، مەديتسينالىق قىزمەتكەرلەردى تاماقتاندىرۋ ۇيىمداستىرىلدى);

- «باتىل جۇرەك» نوميناتسياسىندا قوستاناي وبلىسىنىڭ تۇرعىنى الەكسەي سىچۋگوۆ ماراپاتتالدى. جاس جىگىت 4 جاستاعى بالانىڭ باۋىرىن اۋىستىرۋعا دونور بولدى;

- «مەيىرىم جولىندا» نوميناتسياسى نۇر-سۇلتان قالاسىنىڭ «شاپاعات» قايىرىمدىلىق قورىنا كوپ بالالى جانە از قامتىلعان وتباسىلارعا تۇراقتى نەگىزدە ماتەريالدىق كومەك كورسەتكەنى ءۇشىن بەرىلدى. قور 20 مىڭنان استام وتباسىعا كومەكتەستى - 100 توننادان استام ازىق-ت ۇلىك تاراتىلدى;

- باتىس قازاقستان وبلىسىنىڭ «سىرىم ەلى» قوعامدىق-ساياسي گازەتى «قايىرىمدىلىق تاريحى» نوميناتسياسى بويىنشا ۇزدىك دەپ تانىلدى. باق وبلىس تۇرعىندارىنىڭ پروبلەمالارىن جاريالاپ، ولاردى شەشۋگە سەپتىگىن تيگىزەدى. گازەتتىڭ بەلسەندى پوزيتسياسىنىڭ ارقاسىندا 13 وتتەگى كونتسەنتراتورى مەن ءدارى-دارمەكتەر، ەكى وتباسى ءۇشىن ءۇي ساتىپ الىندى;

- «بالا جۇرەگى» نوميناتسياسىندا - باتىس قازاقستان وبلىسىنان كەلگەن 16 جاسار دانا وتەباەۆا ۇزدىك اتاندى. ماراپات ءورت كەزىندە 3 بالانى قۇتقارۋداعى ەرەن ەرلىگى ءى ءۇشىن بەرىلدى;

- «جانۋارعا مەيىرىم» نوميناتسياسىندا وسكەمەن قالاسىنان كەلگەن بوريس ششەرباكوۆ اتاپ ءوتىلدى. بوريس شىعىس قازاقستان تابيعاتىن دارىپتەۋگە ۇلكەن ۇلەس قوستى، بوتانيكا، فاۋنيستيكا، ەكولوگيا بويىنشا 200-گە جۋىق عىلىمي جۇمىستار مەن كىتاپتار شىعاردى. چەچەك شاتقالىندا «مەكتەپ جانىنداعى ەكولوگيالىق قورىق» ۇيىمداستىردى، وندا جاس ناتۋراليستەر ەكولوگيالىق پراكتيكادان ءوتىپ، وزدەرىنىڭ عىلىمي ىزدەنىستەرىن جۇرگىزە الادى.

سوڭعى جاڭالىقتار

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار