قوعام • 26 اقپان، 2021

الەۋمەتتىك-ەڭبەك سالاسىنداعى قىزمەتتەردىڭ 91%-ى تسيفرلاندىرىلدى

7 رەت كورسەتىلدى

2020 جىلدىڭ قورىتىندىسى بويىنشا ەڭبەك جانە حالىقتى الەۋمەتتىك قورعاۋ مينيسترلىگى الەۋمەتتىك-ەڭبەك سالاسىنداعى قىزمەتتەردىڭ 91%-ىن تسيفرلاندىردى. بۇل تۋرالى ۆەدومستۆو باسشىسى سەرىك شاپكەنوۆ 2020 جىلعى قىزمەتتىڭ قورىتىندىسى جانە 2021 جىلعا ارنالعان مىندەتتەر بويىنشا كەڭەيتىلگەن القا وتىرىسىندا مالىمدەدى، دەپ حابارلايدى Egemen.kz.

ءىس-شاراعا قر پرەمەر-ءمينيسترىنىڭ ورىنباسارى ەرالى توعجانوۆ، ەڭبەك جانە حالىقتى الەۋمەتتىك قورعاۋ مينيسترلىگىنىڭ ورتالىق اپپاراتى مەن قۇرىلىمدىق بولىمشەلەرىنىڭ باسشىلارى، قر پارلامەنتىنىڭ دەپۋتاتتارى، قر پرەزيدەنتى اكىمشىلىگىنىڭ، قر پرەمەر-ءمينيسترى كەڭسەسىنىڭ جانە ورتالىق مەملەكەتتىك ورگانداردىڭ وكىلدەرى، وبلىستار مەن نۇر-سۇلتان، الماتى، شىمكەنت قالالارى اكىمدەرىنىڭ ورىنباسارلارى، حالىقارالىق ۇيىمداردىڭ، كاسىپوداقتاردىڭ وكىلدەرى جانە تاعى باسقا تاراپتار قاتىستى.

سەرىك شاپكەنوۆ ءوز سوزىندە 2020 جىلدىڭ سوڭىنا قاراي ەڭبەكمينى الەۋمەتتىك-ەڭبەك سالاسىن تسيفرلاندىرۋ بويىنشا ەلەۋلى ناتيجەگە قول جەتكىزگەنىن اتاپ ءوتتى.

ء«بىز قىزمەتتەردى 91%-عا تسيفرلاندىردىق، 44 قىزمەتتىڭ 40-ى ەلەكتروندىق، ونىڭ 18-ءى پرواكتيۆتى تۇردە ۇسىنىلادى. 2020 جىلدىڭ قورىتىندىسى بويىنشا 12،4 ملن. قىزمەت كورسەتىلدى، ونىڭ 7،8 ميلليونى ەلەكتروندىق قىزمەتكە جاتادى. مەملەكەت باسشىسىنىڭ تاپسىرماسىنا سايكەس 2021 جىلى زەينەتاقى مەن جاردەماقى تاعايىنداۋ پروتسەستەرى تسيفرلاندىرىلاتىن بولادى»، – دەدى مينيستر.

سونىمەن قاتار، ول ەڭبەكمينى الەۋمەتتىك قىزمەتتەر پورتالىن دامىتۋدى جالعاستىراتىنىن اتاپ ءوتتى. وسىلايشا كورسەتىلەتىن قىزمەتتەردىڭ ساپاسىن ارتتىرۋعا جانە سىبايلاس جەمقورلىق تاۋەكەلدەرىن ازايتۋعا مۇمكىندىك تۋادى. پورتالدا تەحنيكالىق قۇرالدار مەن وڭالتۋ قىزمەتتەرىنىڭ ءتىزىمى بىرتىندەپ كەڭەيىپ كەلەدى، تاۋارلار مەن ارنايى الەۋمەتتىك قىزمەتتەردى جەتكىزۋشىلەر سانى وسۋدە، 2023 جىلدان باستاپ ينۆاتاكسي قىزمەتى رەسۋرسقا كوشەدى.

«سونىمەن قاتار، ءبىز تسيفرلىق وتباسى كارتاسىن قۇرۋمەن اينالىسۋدامىز. جوبا ومىرلىك قيىن جاعدايداعى وتباسىلاردى اۆتوماتتى تۇردە انىقتاۋعا باعىتتالعان جانە بۇل ازاماتتارعا ءارتۇرلى مەملەكەتتىك ورگانداردىڭ قۇزىرەتىنە كىرەتىن الەۋمەتتىك قولداۋدىڭ بەلسەندى كەشەندى شارالارىن ۇسىنۋعا مۇمكىندىك بەرەدى. تسيفرلىق الەۋمەتتىك كارتا وتباسىنىڭ ءال-اۋقاتىنىڭ دەڭگەيىن بولجاۋعا قابىلەتتى. وسىلايشا، جۇيە وعان ەنگىزىلگەن الگوريتمنىڭ ارقاسىندا ازاماتتاردىڭ كومەككە جۇگىنۋىن كۇتپەستەن ءومىر ءسۇرۋ ساپاسىن جاقسارتۋعا جانە ازاماتتاردىڭ الەۋمەتتىك وسال ساناتتارىنا قاتىستى الالاۋدى بولدىرماۋعا كومەكتەسەدى»، – دەپ ناقتىلادى سەرىك شاپكەنوۆ.

بۇدان باسقا، ەڭبەكمينى ەلەكتروندىق ەڭبەك بيرجاسى پورتالىن جەتىلدىرۋ بويىنشا جۇيەلى جۇمىس جۇرگىزۋدە. رەسۋرستا جۇمىسپەن قامتۋ ورتالىقتارىنىڭ قىزمەتتەرىن كورسەتەتىن جاڭا سەرۆيستەر ىسكە قوسىلدى. وبلىس ورتالىقتارىنىڭ، وبلىستىق، رەسپۋبليكالىق ماڭىزى بار قالالاردىڭ جانە ەلوردانىڭ تۇرعىندارى ءۇشىن جۇمىس ىزدەۋشىلەردى جانە جۇمىسسىزداردى تىركەۋ، مەملەكەت سۋبسيديالايتىن جۇمىس ورىندارىنا جىبەرۋ (الەۋمەتتىك جۇمىس ورىندارى، قوعامدىق جۇمىستار، جاستار پراكتيكاسى)، ەرىكتى قونىس اۋدارۋعا كومەكتەسۋ سياقتى قىزمەتتەردى قاشىقتىقتان ۇسىنۋعا جاعداي جاسالادى.

2020 جىلدىڭ قاراشاسىنان باستاپ، 14،5 مىڭنان استام ادام قاشىقتىقتان قىزمەت الۋ مۇمكىندىگىن پايدالاندى. 11،7 مىڭ ازامات جۇمىسسىز مارتەبەسىن الىپ، 3،4 مىڭ ادام مەملەكەت سۋبسيديالايتىن جۇمىس ورىندارىنا جىبەرىلدى. 1،6 مىڭنان استام جۇمىسسىز ادام جۇمىسىنان ايىرىلۋى بويىنشا الەۋمەتتىك تولەمدەر الۋعا ءوتىنىش جىبەردى، ولاردىڭ 80%-ىن مەملەكەتتىك الەۋمەتتىك ساقتاندىرۋ قورى ماقۇلدادى.

2020 جىلى پورتال ارقىلى 629 مىڭنان استام ادام جۇمىسپەن قامتىلدى، ونىڭ 66% -ى تۇراقتى جۇمىسقا ورنالاستىرىلدى.

سوڭعى جاڭالىقتار

كوز تويمايتىن كوتتەدج قالاشىعى

ايماقتار • بۇگىن، 08:33

تىلەۋلى باتىردىڭ قانجارى

رۋحانيات • بۇگىن، 08:30

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

امانات ارقالاعاندار

رۋحانيات • بۇگىن، 07:31

2020: مۋزەيگە قانشا ادام باردى؟

رۋحانيات • بۇگىن، 07:29

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار