قازاقستان • 25 اقپان، 2021

قتج جۇمىسشىلارىنىڭ جەمقورلىعى ءۇشىن باسشىلىعى جاۋاپقا تارتىلدى

13 رەت كورسەتىلدى

«قازاقستان تەمىر جولى» ۇك» اق-دا تۇڭعىش رەت قول استىنداعى جۇمىسشىلاردىڭ جەمقورلىق ارەكەتى ءۇشىن باسشىلىقتى جاۋاپكەرشىلىككە تارتۋ تۋرالى نورما قولدانىلدى، دەپ حابارلايدى Egemen.kz

پاۆلودار وبلىسى بويىنشا سىبايلاس جەمقورلىققا قارسى قىزمەت جانە «قتج» ۇك» اق» «ماگيسترالدىق جەلى ديرەكتسياسى» باسشىلىعى قول استىنداعىلاردىڭ سىبايلاس جەمقورلىق قىلمىس جاساعانى ءۇشىن قتج بولىمشەسىنىڭ پاۆلودار فيليالى باسشىلارىنىڭ جاۋاپكەرشىلىگىن قاراۋ بويىنشا بىرلەسكەن ونلاين-كەڭەس وتكىزدى. ءىس-شارا «قتج» ۇك» اق» «ماگيسترالدىق جەلى ديرەكتسياسى» بارلىق وبلىستىق فيليالداردىڭ، «ادال جول» جوبالىق كەڭسەسىنىڭ جانە «قتج» ۇك» اق قىزمەتىنىڭ كومپلاەنسىنىڭ قاتىسۋىمەن ءوتتى. كەڭەستە «قازاقستان تەمىر جولى» ۇك» اق فيليالىنىڭ ەكىباستۇز جول ديستانتسياسىنىڭ بۇرىنعى باستىعى - «ماگيسترالدىق جەلىنىڭ پاۆلودار بولىمشەسى» س.ت. بايماعامبەتوۆ پەن «قازاقستان تەمىر جولى»ۇك» اق فيليالىنىڭ پاۆلودار ەلەكترمەن جابدىقتاۋ ديستانتسياسىنىڭ باستىعى ر. و. يبراەۆ بيۋدجەت قاراجاتىن جىمقىرعانى ءۇشىن جاساعان سىبايلاس جەمقورلىق قىلمىسىن تەرگەۋ قورىتىندىلارى قارالدى.

ەكىباستۇز قالالىق سوتىنىڭ 2021 جىلعى9 اقپانداعى ۇكىمىمەن س.ت. بايماعامبەتوۆ قر قك 190-بابى 3-بولىگىنىڭ 2) تارماقشاسىندا كوزدەلگەن سىبايلاس جەمقورلىق قىلمىس جاساعانى ءۇشىن كىنالى دەپ تانىلىپ، وعان مەملەكەتتىك قىزمەتتە، مەملەكەتتىك ۇيىمداردا جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 3 500 000 ء(ۇش ميلليون بەس ءجۇز مىڭ) تەڭگە مولشەرىندە ايىپپۇل سالىندى.

2020 جىلعى 28 جەلتوقساندا پاۆلودار قالاسىنىڭ №2 سوتىنىڭ ۇكىمىمەن ر.و. يبراەۆ قر قك 361-بابىنىڭ 1-بولىگىندە كوزدەلگەن سىبايلاس جەمقورلىق قىلمىس جاساعانى ءۇشىن كىنالى دەپ تانىلىپ، وعان 2 778 000 (ەكى ميلليون جەتى ءجۇز جەتپىس سەگىز مىڭ) تەڭگە مولشەرىندە ايىپپۇل سالىندى. - ايىپتاۋ ۇكىمدەرى ءوتتى جانە قتج باسشىلىعى قورىتىندى جاساپ، ءتيىستى پارمەندى شارالار قابىلدايدى دەپ ويلايمىن، - دەپ اتاپ ءوتتى پاۆلودار وبلىسىنىڭ سىبايلاس جەمقورلىققا قارسى قىزمەتىنىڭ باسشىسى ا.ن. تاستەمىروۆ.

ول  كەڭەسكە قاتىسۋشىلارعا سىبايلاس جەمقورلىققا قارسى شارالاردىڭ ءۇشىنشى پاكەتىمەن سىبايلاس جەمقورلىق ءۇشىن جاۋاپكەرشىلىك كۇشەيتىلگەنىن; ۇلتتىق كومپانيالار قىزمەتكەرلەرىنىڭ ەسەبىنەن سىبايلاس جەمقورلىق سۋبەكتىلەرى كەڭەيتىلگەنىن، سونداي-اق سىبايلاس جەمقورلىق قىلمىستارى ءۇشىن سوتتالعاندار ءۇشىن مەرزىمىنەن بۇرىن شارتتى تۇردە بوساتىلعانىن ەسكە سالدى.

«قتج» ۇك» اق ماگيسترالدىق جەلى ديرەكتسياسىنىڭ باسشىسى ب.پ. ورىنباساروۆ پاۆلودار فيليالىندا اۋىر سىبايلاس جەمقورلىق قىلمىستارىن جاساعانى ءۇشىن تەك جارتى جىل ىشىندە ەكى باسشى قىلمىستىق جاۋاپقا تارتىلعانىن مويىندادى.

قورىتىندىسى بويىنشا باعىنىستىلاردى سىبايلاس جەمقورلىق ءۇشىن پاۆلودار فيليالىنىڭ باسشىلىعىن قاتاڭ تارتىپتىك جاۋاپقا تارتۋ تۋرالى شەشىم قابىلداندى.

«قتج»ۇك» اق ماگيسترالدىق جەلى ديرەكتسياسى پاۆلودار فيليالىنىڭ ءبىرىنشى ورىنباسارى ەسپاەۆ ماراتبەك جاڭابەرگەن ۇلى اتقاراتىن قىزمەتىنەن بوساتىلادى.

سونداي-اق، «ادال جول» جوباسى اياسىندا «قتج» ۇك» اق وڭىرلىك فيليالدارىنىڭ بارلىق باسشىلارى ونلاين رەجيمدە سىبايلاس جەمقورلىقتىڭ الدىن الۋ بويىنشا جۇرگىزىلىپ جاتقان جۇمىستار تۋرالى ەسەپ بەرەتىن بولادى.

 

سوڭعى جاڭالىقتار

تۇقىمباقتاعى تىندىرىمدى ءىس

ايماقتار • بۇگىن، 08:22

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار