پارلامەنت • 25 اقپان، 2021

ولگا پەرەپەچينا: جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى باسىم

1 رەت كورسەتىلدى

سەناتتىڭ قارجى جانە بيۋدجەت جونىندەگى كوميتەتىندە مۇددەلى مەملەكەتتىك ورگاندارمەن كەزدەسۋ بولدى. وندا جالپى سيپاتتاعى ترانسفەرتتەردى انىقتاۋ تاسىلدەرىن جەتىلدىرۋ ماسەلەلەرى تالقىلاندى، دەپ حابارلايدى ەgemen.kz

سونداي-اق، ەسەپ كوميتەتىنىڭ ولاردى قالىپتاستىرۋ ءاۋديتىنىڭ قورىتىندىلارى تۋرالى اقپارات تىڭدالدى.

كوميتەت توراعاسى ولگا پەرەپەچينا ءوز سوزىندە جالپى مەملەكەتتىك جانە بيلىكتىڭ بارلىق دەڭگەيلەرى اراسىنداعى باسقارۋدىڭ تيىمدىلىگىن قامتاماسىز ەتۋدە، سونداي-اق بيۋدجەت قارجىسىن ۇتىمدى پايدالانۋدا بيۋدجەتارالىق قاتىناستار ماسەلەلەرى زور ماڭىزعا يە ەكەنىن اتاپ ءوتتى.

11

ونىڭ ايتۋىنشا، بۇگىندە جالپى سيپاتتاعى ترانسفەرتتەردىڭ قازىرگى كولەمى وڭىرلەردى دامىتۋداعى ۇيلەسپەۋدى تەڭەستىرۋ مىندەتىن وتە باياۋ جۇزەگە اسىرۋدا. جەرگىلىكتى بيۋدجەتتەردىڭ رەسپۋبليكالىق بيۋدجەتكە تاۋەلدىلىگى باسىم بولۋى، بيۋدجەتتىڭ كىرىس مۇمكىندىكتەرىن بولجاۋ پروبلەمالارى ساقتالىپ وتىر.

- وسى جانە باسقا دا فاكتورلاردىڭ بولۋىنا بايلانىستى بيۋدجەتتى جوسپارلاۋ ساپاسىنا، بيۋدجەتارالىق قاتىناستاردى ودان ءارى دامىتۋعا، تۇرعىندارعا مەملەكەت كەپىلدىك بەرگەن تەڭدەي قىزمەتتەردى ۇسىنۋعا تەرىس اسەر ەتەدى جانە تيىسىنشە جالپى سيپاتتاعى ترانسفەرتتەردى قالىپتاستىرۋدىڭ قولدانىستاعى ادىستەمەسىن نەعۇرلىم تەرەڭ جەتىلدىرۋدى تالاپ ەتەدى، - دەدى ولگا پەرەپەچينا.

111

ەسەپ كوميتەتىنىڭ ءتورايىمى ناتاليا گودۋنوۆا دا وڭىرلەردىڭ رەسپۋبليكالىق بيۋدجەتكە تاۋەلدى ەكەنىن راستادى. ول جەرگىلىكتى بيۋدجەت كىرىستەرىنىڭ جالپى كولەمى ءۇش جىل ىشىندە رەسپۋبليكالىق بيۋدجەتتەن الىنعان قاراجات ۇلەسىنىڭ 58%-ىن قۇراعانى تۋرالى دەرەكتى كەلتىردى. بۇل دونور وڭىرلەردى ەسەپكە الماعاندا بولعان جاعداي. بۇدان باسقا، ەسەپ كوميتەتىنىڭ توراعاسى جالپى سيپاتتاعى ترانسفەرتتەردى ۇتىمدى ەسەپتەۋدى جۇزەگە اسىرۋعا مۇمكىندىك بەرەتىن بىرقاتار شارالاردى ۇسىندى.

كەزدەسۋ بارىسىندا قاتىسۋشىلار ترانسفەرتتەردىڭ وسى ءتۇرىن ەسەپتەۋدى جوسپارلاۋ جانە جەتىلدىرۋ ماسەلەلەرىن جان-جاقتى تالقىلادى.

 

سوڭعى جاڭالىقتار

بىرلىگى جاراسقان ەلمىز

پىكىر • بۇگىن، 08:10

قازاق كىتابىنىڭ كۇنى قاجەت

قوعام • بۇگىن، 07:57

«بولاشاقتىڭ» عالىمدارى

عىلىم • بۇگىن، 07:42

ارىنعازى

رۋحانيات • بۇگىن، 07:32

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

ۇقساس جاڭالىقتار