ايماقتار • 25 اقپان، 2021

باتىس قازاقستاندا جىلۋ جۇيەسى قاتىپ قالدى

18 رەت كورسەتىلدى

باتىس قازاقستان وبلىسىندا ەلەكتر جارىعىنىڭ بولماۋىنان ۇيلەردە جىلىتۋ جۇيەسى قاتىپ قالدى، دەپ حابارلايدى Egemen.kz

باتىس قازاقستان وبلىسىندا ەلەكتر جارىعىنىڭ بولماۋىنان ۇيلەردە جىلىتۋ جۇيەسى قاتىپ قالدى، دەپ حابارلايدى قازاقپارات ءتىلشىسى. بقو تج دەپارتامەنتىنىڭ ءباسپاسوز قىزمەتى ءمالىم ەتكەنىندەي، وقيعا تاسقالا اۋدانى تاسقالا اۋىلىندا بولدى.

بۇگىن ساعات 11.30-دا اۋا رايىنىڭ ناشارلاۋى سالدارىنان كەشە ءتورت ساعات ۋاقىت بويى اۋىلدا ەلەكتر جارىعى بولماعان. سونىڭ سالدارىنان جەڭىس كوشەسىندەگى 16-ىنشى جانە 18-مەكەنجايدا ورنالاسقان ءۇش قاباتتى ەكى ۇيدە (بارلىعى 44 پاتەر) جىلىتۋ جۇيەسى ىستەن شىققان. قازىرگى كەزدە پلاستيكالىق تۇربالاردى اۋىستىرۋ جانە جىلىتۋ جۇيەسىن قىزدىرۋ جۇمىستارى جۇرگىزىلۋدە. تۇرعىندار ءوز ۇيلەرىندە.

جوندەۋ جانە قالپىنا كەلتىرۋ جۇمىستارىنا جەرگىلىكتى اتقارۋشى ورگاننان 40 ادام، 2 تەحنيكا جۇمىلدىرىلدى. وعان قوسا اتامەكەن اۋىلىندا سىمنىڭ قىسقا تۇيىقتالۋى سالدارىنان 43 ابونەنت ەلەكتر قۋاتىنان اجىراتىلدى. قالپىنا كەلتىرۋ جۇمىستارىمەن «باتىس قازاقستان ەلەكتر جەلىلەرىن تاراتۋ كومپانياسى» اق (4 قىزمەتكەر، 1 ادام) اينالىسۋدا. سونداي-اق تاسقالا اۋىلىندا اباي مەن س.جاقسىعۇلوۆ كوشەلەرى قيىلىسىندا ديامەترى 100 مم سالقىن سۋ قۇبىرى جارىلدى.

سالدارىنان 500 ابونەنت سۋسىز قالدى. مۇندا «كومحوز» مكقك (10 ادام، 3 تەحنيكا) جۇمىس جاساۋدا. ەسكە سالا كەتەيىك، بۇدان بۇرىن قاتتى ايازعا بايلانىستى ورالدا 1-9 سىنىپ وقۋشىلارى قاشىقتان وقيتىنىن، بقو-دا 14 ەلدى مەكەننىڭ جارىقسىز قالعانىن جازعان بولاتىنبىز. سونداي-اق كۇشتى جەل مەكتەپتىڭ شاتىرىن ج ۇلىپ اكەتتى.

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار