ايماقتار • 25 اقپان، 2021

پاۆلوداردا ەر ادامدى پويىز باسىپ كەتتى

657 رەت كورسەتىلدى

پاۆلودار وبلىسىندا جۇك پويىزى ەر ادامدى قاعىپ كەتتى. اتالعان فاكتى بويىنشا سوتقا دەيىنگى تەرگەۋ باستالدى، دەپ حابارلايدى Egemen.kz

بۇل تۋرالى كولىكتەگى پوليتسيا دەپارتامەنتى باسشىسىنىڭ ءبىرىنشى ورىنباسارى قاليجان قوبلاندين ايتتى. 2021 جىلعى 24 اقپاندا ساعات 16:22-دە پاۆلودار ستانتسياسىنداعى جەلىلىك پوليتسيا بولىمىنە جولقۇدىق ستانتسياسىنداعى جۇك پويىزىنىڭ ءماشينيسى تەمىرجول وتكەلىنەن ءوتىپ بارا جاتقان ادامدى بەلگىلەنبەگەن جەردە باسىپ كەتكەنى تۋرالى حابارلاما كەلىپ تۇسكەن. سالدارىنان ەر ادام العان جاراقاتتارىنان وقيعا ورنىندا كوز جۇمدى.

– ءبىز ازاماتتاردى جەكە قاۋىپسىزدىك ەرەجەلەرىن مۇلتىكسىز ساقتاۋعا شاقىرامىز. تەمىرجولداردان ءوتۋ تەك بەلگىلەنگەن جانە جابدىقتالعان ورىنداردا عانا رۇقسات ەتىلەتىنىن ەسكە سالامىز، – دەپ اتاپ ءوتتى قاليجان قوبلاندين.

ونىڭ ايتۋىنشا، جىل باسىنان بەرى پويىزداردى شۇعىل تەجەۋدىڭ 261 فاكتىسى تىركەلگەن، ونىڭ 63-ءى تەمىرجول توسەمىندە ادامداردىڭ، 192- ءى مالدىڭ بولۋىنا بايلانىستى. بەلگىلەنبەگەن ورىنداردا تەمىرجولدان وتكەندەرى ءۇشىن 144 ادام اكىمشىلىك جاۋاپكەرشىلىككە تارتىلدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار