ەلوردا • 25 اقپان، 2021

«ەلوردا جاستارى» تۇرعىن ءۇي باعدارلاماسى ناۋرىز ايىندا باستالادى

113 رەت كورسەتىلدى

«وتباسى بانك» اق ورتالىق فيليالىنىڭ ديرەكتورى جانسۇلتان ماتاي «ەلوردا جاستارى» تۇرعىن ءۇي باعدارلاماسىنىڭ قاشان ىسكە قوسىلاتىنىن ايتىپ بەردى، دەپ حابارلايدى Egemen.kz

«بۇل – ەلوردا جاستارىن تولعاندىراتىن وزەكتى ماسەلەلەردىڭ ءبىرى. بۇل ماسەلە مەملەكەت باسشىسىنىڭ دا، قالا باسشىلىعىنىڭ دا نازارىندا. بيىل «الماتى جاستارى» باعدارلاماسى سياقتى ەلوردادا «ەلوردا جاستارى» باعدارلاماسى جۇزەگە اسىرىلادى»، دەدى جانسۇلتان ماتاي تىلشىلەر سۇراعىنا بەرگەن جاۋابىندا. سپيكەر بۇل جوبانى جەرگىلىكتى اتقارۋشى ورگاندار قارجىلاندىراتىن بولعاندىقتان، بانك پەن اكىمدىك اراسىنداعى كەلىسىمگە ءالى قول قويىلماعانىن ايتتى. بىراق اكىمدىك بۇل باعىتتا جۇمىس ىستەپ جاتىر.

«وسى جىلدىڭ ءبىرىنشى توقسانىندا اتالعان ماسەلە بويىنشا ءماسليحات وتىرىسى ءوتۋى كەرەك. ناقتى كۇنىن ايتا المايمىن، بىراق ناۋرىز ايىندا وسى باعدارلاما باستالادى دەپ ايتۋعا بولادى»، دەيدى جانسۇلتان ماتاي.

ايتا كەتەيىك، 2020 جىلدىڭ قورىتىندىسى بويىنشا ەلىمىزدە 15،3 ملن شارشى مەتر نەمەسە 140 مىڭ تۇرعىن ءۇي پايدالانۋعا بەرىلگەن. بۇل 2019 جىلعى كەزەڭنەن 17% جوعارى. بۇعان دەيىن «وتباسى بانك» اق ورتالىق فيليالىنىڭ ديرەكتورى جانسۇلتان ماتاي «مەملەكەتتىك باعدارلامالار بويىنشا تۇرعىن ءۇي باعاسى قىمباتتاي ما؟» دەگەن سۇراققا جاۋاپ بەرگەن ەدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار