قوعام • 25 اقپان، 2021

2020 جىلى قانشا مۇگەدەك جان جۇمىس تاپتى؟

7 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترىلىگى تاراتقان مالىمەت بويىنشا، بىلتىر ەلىمىزدە 25 541 مۇگەدەك جاندى جۇمىسپەن قامتۋدى قولداۋدىڭ ءتۇرلى شارالارى قابىلدانعان، دەپ حابارلايدى Egemen.kz.

25 مىڭنان استام ادامنىڭ 15 مىڭنان كوبى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە جۇمىسقا ورنالاسقان. سولاردىڭ 7 مىڭنان استامى تۇراقتى جۇمىسقا، وزگەلەرى الەۋمەتتىك جۇمىس ورىندارىنا، جاستار پراكتيكاسىنا جانە قوعامدىق جۇمىستارعا جىبەرىلگەن.

تاعى 1،5 مىڭ ادام ميكرو نەسيە مەن گرانتتار الىپ، كاسىپ باستاعان. سونداي-اق مۇگەدەكتىگى بار 2،2 مىڭ ادام جۇمىسپەن قامتۋدىڭ جول كارتاسى نەگىزىندە جۇمىسقا ورنالاسىپتى.

«مۇگەدەكتىگى بار ادامدار ءۇشىن جۇمىس ورىندارىن كۆوتالاۋ قاعيدالارىنا سايكەس 2020 جىلى جۇمىس بەرۋشىلەر مۇگەدەكتىگى بار 6،4 مىڭ ادامدى جۇمىسقا قابىلدادى. حالىقارالىق تاجىريبەنى ەسكەرە وتىرىپ، مۇگەدەكتىگى بار ادامداردى جۇمىسقا ورنالاستىرۋ ءۇشىن ارنايى جۇمىس ورنىن جاراقتاندىرۋعا بايلانىستى جۇمىس بەرۋشىلەردىڭ شىعىندارىن سۋبسيديالاۋ ءتارتىبى ەنگىزىلدى، ول بويىنشا وتكەن جىلى كورۋ، ەستۋ جانە تىرەك-قيمىل اپپاراتى بۇزىلعان ادامدار ءۇشىن 31 ارنايى جۇمىس ورنى قۇرىلدى» دەلىنگەن مينيسترلىك حابارلاماسىندا.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار