ايماقتار • 25 اقپان، 2021

ەكىباستۇزدا قار قۇرساۋىندا قالعان 9 ادام قۇتقارىلدى

3 رەت كورسەتىلدى

پاۆلودار وبلىسىندا قۇتقارۋشىلاردىڭ جەدەل جانە ۇيلەسىمدى ءىس-ارەكەتتەرىنىڭ ارقاسىندا قار قۇرساۋىندا قالعان 9 جولاۋشىنىڭ ەشقايسىن ۇسىك شالعان جوق جانە مەديتسينالىق كومەككە مۇقتاج بولمادى، دەپ حابارلايدى Egemen.kz سايتىنا سىلتەمە جاساپ.

«24 اقپاندا ساعات 19-40-تا «112» پۋلتىنە ەكىباستۇز اۋىلدىق ايماعىنان كومەك قاجەت ەكەنى تۋرالى تەلەفون حابارلاماسى ءتۇستى. شيقىلداق اۋىلىنان 8 شاقىرىم جەردە قىزىلوردا – پاۆلودار اۆتوجولىندا 2 جەڭىل كولىك قار قۇرساۋىندا قالىپ قويعان. وقيعا ورنىنا دەرەۋ جەكە قۇرامنان 2 ادام جانە 1 تەحنيكا جىبەرىلىپ، 2 جەڭىل اۆتوماشينا جولدىڭ تازارتىلعان ۋچاسكەسىنە سۇيرەپ شىعارىلدى. سالوندا 6 ادام بولدى، ولار مەديتسينالىق كومەككە مۇقتاج بولعان جوق»، دەيدى وبلىستىق تجد ءباسپاسوز قىزمەتىندە.

سونداي-اق 25 اقپان كۇنى ساعات 2-46-دا ەكىباستۇز قالاسىنان 40 شاقىرىم جەردە جەڭىل كولىكتىڭ ىستەن شىققانى تۋرالى حابارلاما تىركەلگەن. وقيعا ورنىنا جەدەل-قۇتقارۋ جاساعىنان 2 ادام شىعىپ، ەكىباستۇز قالاسىنا 3 ادامدى جەتكىزدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار