ناتيجەسىندە 25 مىڭ گەكتار ەگىستىك جەرلەردىڭ يگەرۋسىز قالعانى انىقتالعان. ماسەلەن, اتالعان باسقارما باسشىسى 2019 جىلى وبلىس اۋداندارىندا 35,5 مىڭ گەكتار ەگىستىك جەرلەر يگەرۋسىز قالعانىن, وسىعان بايلانىستى قاتاڭ شارالار قولدانۋعا تۋرا كەلگەنىن, قولعا الىنعان شۇعىل شارالاردان كەيىن يگەرىلمەگەن ەگىستىكتىڭ 2503 گەكتارى مەملەكەت مەنشىگىنە قايتارىلعانىن ايتتى.
«جالپى, جامبىل وبلىسىنىڭ جەر قورى 14 مىڭ 427,7 گەكتاردى قۇرايدى. بۇل رەسپۋبليكا اۋماعىنىڭ 5,3 پايىزى دەگەن ءسوز. ونىڭ ىشىندە ەڭ اۋقىمدى القاپ – اۋىل شارۋاشىلىق ماقساتىنداعى جەرلەر. بۇل باعىتتا ەلدى مەكەندەردىڭ جەرلەرى 464,8 مىڭ, ونەركاسىپ, كولىك, بايلانىس, قورعانىس ماقساتىنداعى جەرلەر 174,7 مىڭ, ەرەكشە قورعالاتىن تابيعي اۋماقتاردىڭ جەرلەرى 11,6 مىڭ, ورمان قورىنىڭ جەرلەرى 4429,0 مىڭ, سۋ قورىنىڭ جەرلەرى 356,1 مىڭ جانە بوسالقى جەرلەر 1796,4 مىڭ گەكتاردى قۇرايدى. ايماقتا يگەرۋسىز قالعان القاپتاردى اۋىلشارۋاشىلىعى اينالىمىنا قايتا قوسۋ قولعا الىنعان. ماسەلەن, 2019 جىلى 199,1 مىڭ گەكتار جەر ەكونوميكالىق اينالىمعا قايتا قولدانۋعا بەرىلدى. وسى ماقساتتا وتكەن جىلى 18 كونكۋرس وتسە, بيىل 100 مىڭ گەكتار اينالىمعا قوسىلاتىن بولادى. وسى جىلى وبلىستا 19 كونكۋرس وتكىزىلمەك. ناتيجەسىندە 117,2 مىڭ گەكتار اۋىل شارۋاشىلىق جەرلەر قايتا اينالىمعا قوسىلادى», دەدى باسقارما باسشىسى باحتيار كوپبوسىنوۆ.
ايماقتا بىلتىر بوس قالعان جەرلەرگە بايلانىستى 25 اۋكتسيون وتكەن. وعان 74 گەكتار جەر شىعارىلىپ, بيۋدجەتكە 196,4 ميلليون كولەمىندە قاراجات تۇسكەن. جالپى, وڭىردە ينۆەستيتسيالىق-يننوۆاتسيالىق جوبالارعا جەر بەرىلىپ تۇرادى. سوڭعى ەكى جىلدا جالپى كولەمى 3774 گەكتار جەر پايدالانۋعا بەرىلگەن.
