– بۇگىنگى اشىلىپ جاتقان ورتالىقتىڭ پايداسى زور بولماق. ستۋدەنتتەر بەلسەندى, وسى پارسات جولىمەن العا ءجۇرىپ, بيىك بەلەستەردى باعىندىرا بەرسىن. ەل دامۋى جولىندا ارى قاراي بىرلەسە جۇمىس ىستەي بەرەيىك, – دەدى سىبايلاس جەمقورلىققا قارسى ءىس-قيمىل اگەنتتىگىنىڭ شقو بويىنشا دەپارتامەنت باسشىسى ەرلان جالماعامبەتوۆ.
رۋحانيات وشاعى سانالاتىن كىتاپحانادا وتكەن يگى شارادا بىرەگەي جاڭا جوبانىڭ ماقساتى مەن مىندەتى ورتاعا سالىنىپ, ورتالىقتىڭ الداعى جۇمىس جوسپارى تانىستىرىلدى.
«پاراسات جولى» ورتالىعىندا جاس وقىرماندار ادالدىقتى, ادىلدىكتى, پاراساتتىلىقتى دارىپتەيتىن اباي, شاكارىم سىندى ۇلى تۇلعالاردىڭ تۋىندىلارىمەن تانىسا الادى. سونىمەن قاتار, پاراساتتىلىق ستراتەگياسى جازىلعان كىتاپشالار, سىبايلاس جەمقورلىقتى جويۋعا باعىتتالعان ماڭىزدى قۇجاتتار جيناقتالعان.
ءىس-شارا سوڭىندا جاس بۋىن, ورتا بۋىن جانە اعا بۋىن وكىلدەرى قاتىسقان كورىنىس ۇسىنىلىپ, پاراسات فورمۋلاسىن شىعارۋ جولى كورسەتىلدى.
