قاراتاۋ اۋدانى ءنۇرسات شاعىناۋدانىنىڭ تۇرعىنى اقسۇلۋ ەسەكەنوۆا ءۇيىنىڭ جانىنداعى زاڭسىز قۇرىلىس تۋرالى شاعىمىن ايتتى. №49/1 مەكەنجايدا ورنالاسقان «Dublin» كافەسىنىڭ جازدىق باستىرماسى بويىنشا زاڭ تالاپتارىنا سايكەس قۇزىرلى مەكەمەلەرگە سۇرانىس حاتتار جولدانعان. سۇرانىس ناتيجەلەرى تولىق جيناقتالىپ, باسقارما تاراپىنان زاڭ تالاپتارىنا سايكەس ءتيىستى جۇمىستار اتقارىلادى.
شاھار باسشىسى ازاماتشا ەسەكەنوۆانىڭ ۋاجدەرى بويىنشا تالداۋ جۇرگىزىلىپ, زاڭ اياسىندا ءتيىستى شارالار قولدانۋدى عالىمجان امىربەك ۇلىنا تاپسىردى.
اباي اۋدانىنىڭ تۇرعىنى ايجانقىز وسپانبەكوۆا قارجىلاي كومەك جانە بالاسىنا كونكۋرسپەن گرانت ءبولۋ ماسەلەسىن العا تارتتى. ا.وسپانبەكوۆا «ەڭبەك» مەملەكەتتىك باعدارلاماسى اياسىندا بيىل 5 قاڭتاردا اباي اۋدانى اكىمدىگىنە قوعامدىق جۇمىسقا جولدانىپ, جۇمىسقا ورنالاستى. زاڭعا سايكەس, «ەڭبەك» باعدارلاماسى بويىنشا ءبىر مەزەتتە جۇمىسپەن قامتۋدىڭ ەكى بىردەي بەلسەندى شاراسىنا قاتىسا المايتىندىقتان, ازاماتشا ا.وسپانبەكوۆا گرانت الا المايدى.
قالا اكىمى ازاماتشا ا.وسپانبەكوۆانىڭ كوتەرگەن ماسەلەلەرىن زاڭ اياسىندا, دەمەۋشىلەردى تارتۋ ارقىلى شەشۋدى قاراستىرۋ قاجەت ەكەنىن مالىمدەدى.
ەڭبەكشى اۋدانىنىڭ تۇرعىنى بالجان بايتەشوۆا بالاسىنىڭ دەنساۋلىعى جونىندە ماسەلەسىن كوتەردى. بايتەشوۆانىڭ بالاسىنا بۇگىندە شىمكەنت قالاسىنداعى دەنساۋلىق ساقتاۋ ۇيىمدارىندا ءتيىستى مەديتسينالىق كومەك كورسەتىلۋدە.
قالا اكىمى ازامات ق.نيازعۇلدىڭ دەنساۋلىعىن جەكە باقىلاۋعا الىپ, بالجان ايماعانبەتقىزىمەن تۇراقتى بايلانىستا بولۋدى باقىتجان جولداسبەك ۇلىنا مىندەتتەدى.
سونىمەن قاتار, بۇگىنگى قابىلداۋدا اتقارىلعان جۇمىس ناتيجەسى بويىنشا تۇرعىندار قالا اكىمىنە ارنايى ريزاشىلىعىن ءبىلدىردى. وتكەن جىلى مۇرات دۇيسەنبەك ۇلى قاراتاۋ اۋدانى نۇرتاس شاعىناۋدانىنا بارىپ, جولدى اسفالتتاۋ ماسەلەسى بويىنشا تۇرعىندارمەن كەزدەسكەن بولاتىن. ايتىلعان ماسەلە بويىنشا ءتيىستى شەشىم قابىلدانىپ, 1300 مەتر كوشەگە اسفالت توسەلدى. مىنە, وسى ماسەلە بويىنشا بۇگىنگى قابىلداۋدا قالا تۇرعىنى اعابەك قازانباي تۇرعىنداردىڭ ريزاشىلىعىن جەتكىزدى.
