ايماقتار • 24 اقپان، 2021

اتىراۋدا 500 ورىندىق مەشىتتىڭ ىرگەتاسى قالاندى

223 رەت كورسەتىلدى

اتىراۋ وبلىسىندا 34 مەشىت بار. ەندى ونىڭ قاتارى 500 ورىندىق جاڭا مەشىتپەن تولىعاتىن بولدى، دەپ حابارلايدى Egemen.kz

ەركىنقالا اۋىلىندا بوي كوتەرەتىن جاڭا مەشىتتىڭ ىرگەتاسىن قالاۋعا قاتىسقان قازاقستان مۇسىلماندارى ءدىني باسقارماسىنىڭ توراعاسى-باس ءمۇفتي ناۋرىزباي قاجى تاعان ۇلىنىڭ ايۋتىنشا، عيبادات ءۇيى قايتپاي سۇلتاننىڭ اتىمەن اتالادى.  

«حالقىمىزدا «ازانى بار اۋىل ازبايدى» دەگەن ناقىل بار. مەشىت – بارشا جاقسىلىقتىڭ توعىسقان قۇتتى مەكەنى. بۇل قۇلشىلىقتىڭ عانا ەمەس، رۋحاني ءھام مادەني-اعارتۋ، بىرلىك پەن بەرەكەنىڭ وشاعىنا اينالادى دەگەن سەنىمدەمىن. جاڭا مەشىت سالت-ءداستۇرىمىزدىڭ، تاعىلىمعا تولى تاريحىمىزدىڭ ناسيحاتشىسى، ءارى قايىرىمدىلىقتىڭ ورتالىعى بولادى. پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ءوزىنىڭ قاسيەتتى حاديس-شاريفىندە «اللا تاعالا مەشىتتى جاقسى كورگەن پەندەنى جاقسى كورەدى» دەگەن. سىزدەر مەشىتتى جاقسى كورگەندىكتەن، اللا ءۇيىن تۇرعىزۋعا ۇلەس قوسىپ وتىرسىزدار. حاق تاعالا مول ساۋاپتان جازسىن» دەدى باس ءمۇفتي ناۋرىزباي قاجى تاعان ۇلى.

1

كاسىپكەرلەردىڭ قولداۋىمەن ءبىر جىلدا سالىناتىن مەشىتتە قۇران وقۋ بولمەسى، ەرلەر مەن  ايەلدەرگە ارنالعان ناماز وقۋ زالى، ءدارىسحانا قاراستىرىلىپ وتىر. مەشىت جانىنان اسحانا، يمام ءۇيى بوي كوتەرەدى.

 

سوڭعى جاڭالىقتار

تاميلانىڭ تارتۋى

ونەر • كەشە

مۋتاتسيالانعان ۆيرۋس

مەديتسينا • كەشە

ۇقساس جاڭالىقتار