اباي • 24 اقپان، 2021

اباي شىعارماشىلىعىنا ارنالعان بىرەگەي بەينە-جوبا ىسكە قوسىلدى

70 رەت كورسەتىلدى

قازاقستاندا العاش رەت اباي قۇنانباەۆتىڭ شىعارماشىلىعىنا ارنالعان بىرەگەي بەينە-جوبا ىسكە قوسىلدى. وسىلايشا جاڭا ونلاين جوبا قازاقستاندىق كورەرمەندەرگە جول تارتىپ، «ۆAURZHAN foundation» جەكە قورى قازاقستاندىق جازۋشىلار مەن اقىنداردىڭ ءومىرى مەن شىعارماشىلىعىنا ارنالعان ونلاين فورماتتاعى شىعارىلىمدار سەرياسىن جاريالادى، دەپ حابارلايدى Egemen.kz

«MamanAcademy» ءبىلىم بەرۋ جوباسى «Samruk-KazynaTrust» دامۋ قورىنىڭ قولداۋىمەن ىسكە قوسىلدى. جوبا شىعارىلىمدارىنىڭ ءبىرىنشى سەرياسى اباي قۇنانباەۆتىڭ ءومىرى مەن شىعارماشىلىعىنا، سونىڭ ىشىندە بۇرىن بەلگىسىز بولعان دەرەكتەرگە ارنالعان. اتالمىش شىعارىلىم  YouTube عالامتور رەسۋرسىندا ەركىن قول جەتىمدى.

جوبانىڭ بىرەگەيلىگى ­– وعان مۇرىندىق بولىپ وتىرعان جاندار ابايدىڭ شىعارماشىلىعىن، قىسقاشا ءومىربايانىن جانە تانىمال قازاقستاندىق اقىندار مەن جازۋشىلاردىڭ – ۇلى اقىننىڭ ءىزباسارلارى مەن وقۋشىلارىنىڭ قىزمەتىن سيپاتتايتىن بەينە-باياندار توپتاماسى ازىرلەدى. ءبىلىم بەرۋ ماتەريالدارىندا بەلگىلى قازاقستاندىق جازۋشى، اقىن، مادەنيەتتانۋشى جانە اۋدارماشى اۋەزوۆ قودار مەن ونىڭ جۇبايى، فيلوسوفيا عىلىمدارىنىڭ دوكتورى، رەسەي جاراتىلىستانۋ اكادەمياسىنىڭ كوررەسپوندەنت-مۇشەسى زامزا قوداردىڭ ەڭبەكتەرى پايدالانىلدى. بۇل باستاما «Samruk-KazynaTrust» الەۋمەتتىك جوبالاردى دامىتۋ قورىنىڭ قولداۋىنىڭ ارقاسىندا جۇزەگە اسىپ جاتىر.

ونلاين-وقىتۋدىڭ ءوسىپ كەلە جاتقان تانىمالدىلىعىن ەسكەرە وتىرىپ، جوبا شەڭبەرىندەگى بارلىق ساباقتار Youtube پلاتفورماسىنىڭ بازاسىندا كەز كەلگەن ىڭعايلى ۋاقىتتا قول جەتىمدى بولىپ تابىلادى.

«بەينە-ساباقتار كەڭ اۋديتورياعا ەسەپتەلگەن، سەبەبى وقىتۋ كونتەنتىن مەكتەپ قابىرعاسىنداعى ساباقتارمەن، ستۋدەنتتىك دارىستەر كەزىندە دە، سونداي-اق ءوز ءبىلىمىن جەتىلدىرۋ ماقساتىندا دا كورۋگە بولادى»، دەيدى جوبا مەنەدجەرى سايدا يبراگيموۆا.

1890 جىلدان 1898 جىلعا دەيىن اباي قۇنانباەۆ ءوز ويلارىن  پروزادا جازىپ، كەيىننەن ول جازبالار بولاشاق ۇرپاققا جولداۋ رەتىندە 45 فيلوسوفيالىق تراكتاتىندا كورىنىس تاپتى. اباي جاستاردى ءوز يدەيالارىن ۇستانۋعا، قوعامدا ءوز ورنىن تابۋعا جانە قوعامعا ناداندىقتان ارىلۋعا كومەكتەسۋ ءۇشىن سانانى باعىتتاۋعا  شاقىردى. ءبىر عاسىردان استام ۋاقىت وتكەن سوڭ اباي قۇنانباەۆتىڭ فيلوسوفياسى بۇگىندە ۇلكەن تاربيەلىك مانگە يە. سونىمەن قاتار ول دا ونىڭ ءىزباسارلارىن، شاكىرتتەرى مەن اتاقتى اقىندارىن شابىتتاندىرادى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار