قوعام • 24 اقپان، 2021

Nur Otan ازاماتتار ءۇشىن مينيسترلەرمەن ونلاين-كەزدەسۋلەر وتكىزۋدە

8 رەت كورسەتىلدى

«Nur Otan»-نىڭ رەسپۋبليكالىق قوعامدىق قابىلداۋ بولمەسىندە ازاماتتاردىڭ مينيسترلەرمەن جانە مەملەكەتتىك ورگانداردىڭ باسشىلارىمەن ونلاين-كەزدەسۋلەرى جالعاسۋدا. قازاقستاندىقتاردىڭ مينيسترلەرگە قانداي ماسەلەلەرمەن كەلەتىنى تۋرالى پارتيا ورتالىق اپپاراتىنىڭ ءباسپاسوز قىزمەتى ءمالىم ەتتى، دەپ حابارلايدى Egemen.kz.

ادىلەت ءمينيسترى مارات بەكەتاەۆتىڭ ازاماتتاردى قابىلداۋى بارىسىندا اليمەنتتى ۋاقىتىلى تولەۋ تۋرالى ماسەلە بىرنەشە رەت كوتەرىلدى. كەنتاۋ تۇرعىنى باعيلا توعماعامبەتوۆا جەكە سوت ورىنداۋشىلارىنىڭ بەرەشەكتى ءوندىرىپ الۋ بويىنشا ارەكەتسىزدىگىنە شاعىمداندى. تۋرا وسىنداي ماسەلەمەن مينيسترگە تۇركىستان وبلىسىنىڭ تۇرعىنى اقمارال جاقىپوۆا دا جۇگىندى. قابىلداۋ قورىتىندىسى بويىنشا مينيستر وڭىرلىك قۇرىلىمدارعا بارلىق ماتەريالداردى زەردەلەپ، ءتيىستى شارالار قابىلداۋدى تاپسىردى.

ادۆوكات جاننا ورازباحوۆا ىشكى ىستەر ءمينيسترى ەرلان تۇرعىمباەۆقا سەكسۋالدىق زورلىق-زومبىلىققا قارسى ارنايى ورتالىقتار قۇرۋدى ۇسىندى. ونىڭ ايتۋىنشا، بۇل ورتالىقتاردا زارداپ شەككەندەرگە كومەك ء«بىر تەرەزە» قاعيداتى بويىنشا كورسەتىلۋى مۇمكىن، ياعني، سول جەردە پوليتسيا بىردەن شاعىمىن قابىلداپ، دارىگەرلەر تەكسەرۋ جۇرگىزىپ، پسيحولوگتار قاجەتتى كومەك كورسەتەدى.

ءوز كەزەگىندە ەرلان تۇرعىمباەۆ جوبامەن ەگجەي-تەگجەيلى تانىسۋعا ۋادە بەردى. ءمينيستردىڭ ازاماتتاردى قابىلداۋى 4 ساعاتتان استام ۋاقىتقا سوزىلعانىن ايتا كەتەيىك.

قارجى ءمينيسترى ەرۇلان جاماۋباەۆتىڭ قابىلداۋىندا «تەمەكى تۇتىنىنەن ازات قازاقستان ءۇشىن» كواليتسياسىنىڭ جەتەكشىسى ءجاميلا سادىقوۆا قازاقستانداعى زياندى ونىمدەردى رەتتەۋ ماسەلەسىن كوتەردى.

الماتى قالاسىنىڭ تۇرعىنى گۇلداريا قاستەەۆا مادەنيەت جانە سپورت ءمينيسترى اقتوتى رايىمقۇلوۆاعا ءا.قاستەەۆتىڭ مۋزەي-ۇيىنە قالپىنا كەلتىرۋ جۇمىستارىن جۇرگىزۋ جانە ىرگەلەس اۋماقتىڭ كۇردەلى جوندەۋ مەن اباتتاندىرۋدى قاجەت ەتەتىنىن، سونداي-اق قىزمەتكەرلەردىڭ جەتىسپەيتىنىن ايتتى. مينيستر بۇل ماسەلەنى ءوزىنىڭ جەكە باقىلاۋىنا الدى.

ءبىلىم جانە عىلىم ءمينيسترى اسحات ايماعامبەتوۆپەن كەزدەسۋدە ازاماتتار قاشىقتان وقىتۋ جانە پەداگوگيكالىق ماماندىق تۇلەكتەرىن جۇمىسقا ورنالاستىرۋ ماسەلەلەرىن كوتەردى.

سونداي-اق پرەمەر-ءمينيستردىڭ ورىنباسارى رومان سكليار مەن ۇلتتىق ەكونوميكا ءمينيسترى اسەت ەرعاليەۆ تا ازاماتتاردى قابىلدادى.

ايتا كەتەيىك، وتكەن جىلى «Nur Otan» پارتياسىنىڭ قوعامدىق قابىلداۋ بولمەسىنە بۇكىل ەل بويىنشا 393 مىڭنان استام ءوتىنىش كەلىپ ءتۇستى بۇل – 2019 جىلمەن سالىستىرعاندا 2 ەسە كوپ. بۇل رەتتە سوڭعى 5 جىلدا پارتياعا 1،2 ملن ادام جۇگىندى، ونىڭ ىشىندە 423 مىڭنان استامى – ونلاين فورماتتا. ولاردىڭ 92% وڭ شەشىمىن تاپتى، تەگىن كونسۋلتاتيۆتىك، قۇقىقتىق جانە وزگە دە كومەك كورسەتىلدى.

تالداۋ كورسەتكەندەي، حالىقتى نەگىزىنەن الەۋمەتتىك قامسىزداندىرۋ – 30%، تۇرعىن ءۇي-كوممۋنالدىق شارۋاشىلىق – 16%، تۇرعىن ۇيمەن قامتاماسىز ەتۋ – 15%، ەڭبەك داۋلارى – 14%، قۇرىلىس – 9%، ءبىلىم بەرۋ – 9%، مەديتسينالىق قىزمەت كورسەتۋ – 7% ماسەلەلەرى الاڭداتتى.

مينيسترلەردىڭ – «Nur Otan» پارتياسى مۇشەلەرىنىڭ قابىلداۋىنا جازىلۋ ءۇشىن تومەندەگى نومىرلەرگە حابارلاسۋ كەرەك:
1. Call-ورتالىق 8 800 080 4441 (قازاقستان بويىنشا قوڭىراۋ شالۋ تەگىن);
2. Whatsapp 8700 800 4441
3. komek@nurotan.kz

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار