قالا تۇرعىندارىنا كورسەتىلەتىن مەديتسينالىق قىزمەتتەردىڭ ساپاسىن ارتتىرۋ, مەديتسينالىق ۇيىمداردى ماماندارمەن قامتاماسىز ەتۋ دەڭگەيى, انا مەن بالا ولىمىنە, ونكولوگيالىق اۋرۋلاردان جانە قان اينالىمى جۇيەسى اۋرۋلارىنان بولاتىن ولىمگە قارسى كۇرەس بولىگىندە مەگاپوليستىڭ دەنساۋلىق ساقتاۋ جۇيەسىن دامىتۋدىڭ وزەكتى ماسەلەلەرى قارالدى.
الماتىدا 74 مەملەكەتتىك مەديتسينالىق ۇيىم, 13 رەسپۋبليكالىق جانە 90 جەكە مەنشىك, 1383 العاشقى مەديتسينالىق-سانيتارلىق كومەك ۋچاسكەسى جۇمىس ىستەيدى. 6046 دارىگەر جانە 12969 ورتا مەديتسينالىق قىزمەتكەر بار.
دەنساۋلىق ساقتاۋ جۇيەسى تيىمدىلىگىنىڭ ماڭىزدى كورسەتكىشتەرىنىڭ ءبىرى حالىقتىڭ مەديتسينالىق قىزمەتتەرگە قاناعاتتانۋى بولىپ تابىلادى. 2020 جىلى بۇل كورسەتكىش 5%-عا ارتىپ, 54,3%-دى قۇراعانىنا قاراماستان, پاتسيەنتتەر مەديتسينالىق قىزمەتكەرلەر تاراپىنان بولاتىن دورەكىلىككە, تەگىن ءدارى-دارمەكتەردىڭ بولماۋى نەمەسە بەرۋدەن باس تارتۋ, تىركەۋدەن باس تارتۋ, كورسەتىلەتىن مەديتسينالىق كومەكتىڭ ساپاسى, اۋرۋحاناعا جاتقىزۋدان باس تارتۋ فاكتىلەرىنە شاعىمدانۋدى جالعاستىرۋدا. مۇنداي كەمشىلىكتەر №4, 8, 11, 12, 17 ەمحانالارعا جانە №7, 4, 2 قالالىق اۋرۋحانالارعا قاتىستى, وسى ماسەلەلەرگە مەديتسينالىق ۇيىمداردىڭ باسشىلارى نازار اۋداردى.
الماتى اكىمىنىڭ ورىنباسارى ەرجان باباقۇماروۆ مەديتسينالىق ۇيىمدار دەڭگەيىندە «التىن ساعات» ىشىندە پاتسيەنتتەرمەن تۋىندايتىن ينتسيدەنتتەردى جەدەل شەشۋدى تاپسىردى. سونىمەن قاتار, باس دارىگەرلەر مەديتسينالىق قىزمەتكەرلەردى كوممۋنيكاتسيالىق داعدىلارعا ۇيرەتۋدى ۇيىمداستىرىپ, مەديتسينالىق قىزمەت كورسەتۋ ستاندارتتارىن ساقتاۋى كەرەك. بۇل رەتتە, مەديتسينالىق كومەكتىڭ كەپىلدىك بەرىلگەن كولەمى جانە ءمامس شەڭبەرىندەگى قىزمەت پەن كورسەتىلەتىن قىزمەتتەر تۋرالى بارلىق اقپارات مەديتسينالىق ۇيىمداردىڭ سايتتارىندا جاريالانۋعا ءتيىس.
مەديتسينالىق قىزمەتتەردىڭ ساپاسى كاسىبيلىك دەڭگەيىنە جانە كادرلارمەن جاساقتالۋىنا تىكەلەي بايلانىستى. 2020 جىلى ماماندار تاپشىلىعى 30%-عا قىسقاردى. مەديتسينالىق قىزمەتكەرلەر كادرلارىنىڭ جەتىسپەۋشىلىگىن تولتىرۋ ماقساتىندا ەرجان باباقۇماروۆ مەديتسينالىق ۇيىمداردى ماماندارمەن قامتاماسىز ەتۋدىڭ ۇزاق مەرزىمدى بولجامىن قالىپتاستىرۋدى جانە الەۋمەتتىك قولداۋ شارالارىن قامتيتىن «جول كارتاسىن» ازىرلەۋدى, مەديتسينالىق قىزمەتكەرلەردى, ونىڭ ىشىندە سالا ماماندارىن دايارلاۋعا گرانتتاردى ۇلعايتۋدى تاپسىردى.
انا مەن بالا دەنساۋلىعىن قورعاۋعا قاتىستى الماتىدا وتكەن جىلى جۇكتىلىك مەرزىمى 12 اپتاعا دەيىنگى 44818 ايەل ەسەپكە الىندى, بۇل 82%-دى قۇرايدى. باقىلاۋمەن ەرتە قامتۋ جۇكتىلىك پەن بوسانۋ كەزىندەگى مۇمكىن بولاتىن اسقىنۋلاردى بولجاۋعا مۇمكىندىك بەرەدى, ءارتۇرلى قاۋىپتەردى ازايتادى.
كەڭەس بارىسىندا پەريناتالدىق بۋىننىڭ بارلىق كەزەڭدەرىندە جۇمىستى ۇيىمداستىرۋ بويىنشا مەنەدجمەنتتەگى كەمشىلىكتەر ايتىلدى. وسىعان بايلانىستى, انا مەن بالا ءولىمىن ازايتۋ ماقساتىندا قالا اكىمىنىڭ ورىنباسارى ە. باباقۇماروۆ جۇكتىلىكتى باقىلاۋدىڭ بارلىق دەڭگەيلەرىندەگى ءوزارا ءىس-قيمىلدى كۇشەيتۋدى, باقىلاۋ جانە بوسانعاننان كەيىنگى كەزەڭدە مساك پاتروناجدىق قىزمەتىنىڭ تيىمدىلىگىن ارتتىرۋدى تاپسىردى.
ونكولوگيادان بولاتىن ءولىم-ءجىتىمنىڭ الدىن الۋ ماقساتىندا حالىقتىڭ تاۋەكەلشىل ءىس-ارەكەتتەرىن تومەندەتۋ بويىنشا پروفيلاكتيكالىق جۇمىس كۇشەيتىلەتىن بولادى. قان اينالىمى جۇيەسى مەن تىنىس الۋ ورگاندارى اۋرۋلارىنان بولاتىن ءولىم-ءجىتىمدى ازايتۋ جونىندەگى شارالار شەڭبەرىندە مەديتسينالىق ۇيىمداردى ماتەريالدىق-تەحنيكالىق جاراقتاندىرۋ نىعايتىلۋدا, رەنتگەن جانە كت-سۋرەتتەردىڭ بىرىڭعاي دەرەكقورىن قۇرا وتىرىپ, ات-تەحنولوگيالار ەنگىزىلۋدە, كارديولوگيالىق قىزمەت كۇشەيتىلۋدە, ەمدەۋدىڭ وزىق ادىستەرى ەنگىزىلۋدە.
كەڭەستە قالالىق كارديولوگيالىق جانە ونكولوگيالىق ورتالىقتاردىڭ باسشىلارى تىڭدالدى. ماسەلەن, ونكوورتالىقتا سوڭعى 3 جىلدا ەمدەۋمەن قامتۋ 80%-دى قۇرادى, 2020 جىلى قامتۋ 96%-عا دەيىن ۇلعايدى, ناتيجەسىندە الداعى جىلدارى ءولىم-ءجىتىم دەڭگەيىن تومەندەتۋگە مۇمكىندىك بەرەدى. سونىمەن قاتار, جەدەل ارەكەت ەتۋ جانە شۇعىل جوعارى بىلىكتى كومەك كورسەتۋ ماقساتىندا مەديتسينا سالاسىنداعى ۇزدىك قالالىق جانە رەسپۋبليكالىق مامانداردان تۇراتىن ءموبيلدى توپ قۇرىلاتىن بولادى.
قالانىڭ باس مەملەكەتتىك سانيتار دارىگەرى, الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى ج. بەكشين مەديتسينالىق ۇيىمداردىڭ اۋماعىندا سانيتارلىق تالاپتاردىڭ ساقتالۋىن جانە گوسپيتالدىق ەپيدەميولوگتاردىڭ بىلىكتىلىگىن ارتتىرۋدى كۇشەيتىلگەن باقىلاۋدىڭ ماڭىزدىلىعىن اتاپ ءوتتى.
ءوز كەزەگىندە, «الەۋمەتتىك مەديتسينالىق ساقتاندىرۋ قورى» كەاق قالالىق فيليالىنىڭ باسشىسى ت.ابىلداەۆ دارىلىك پرەپاراتتار قويماسى ءاۋديتىنىڭ قورىتىندىسىن شىعاردى. بۇگىنگى تاڭدا 31 ملن بىرلىك دارىلىك پرەپاراتتار مەن مەديتسينالىق بۇيىمدار بار, بۇل قالا قاجەتتىلىگىنىڭ ەكى ايلىق قورىنان اسىپ تۇسەدى.
