وسى جىلى يۋنۋس ەمرەنىڭ ومىردەن وزعانىنا 700 جىل تولۋىنا بايلانىستى يۋنەسكو تاراپىنان ۇلى اقىندى ەسكە الۋ جىلى دەپ بەكىتىلگەن بولاتىن. الەم جۇرتشىلىعى تۇرىك ءتىلى مەن مادەنيەتىنە ولشەۋسىز ۇلەس قوسقان يۋنۋس ەمرەنى ەسكە الا وتىرىپ, ءارتۇرلى شارالاردا ونىڭ شىعارمالارىمەن جاقىننان تانىسادى.
وسىعان بايلانىستى 30 قاڭتاردا تۇركيا رەسپۋبليكاسىنىڭ پرەزيدەنتى رەجەپ تايپ ەردوعان 2021 جىلدى «يۋنۋس ەمرە جانە تۇرىك ءتىلى جىلى» رەتىندە اتاپ ءوتۋ تۋرالى جارلىققا قول قويدى.
سونداي-اق, 2021 جىلى باۋىرلاس ەل قازاقستاننىڭ تاۋەلسىزدىگىنە 30 جىل تولادى. وسى ءۇش اتاۋلى وقيعاعا وراي, يۋنۋس ەمرە تۇرىك مادەنيەت ورتالىعى ونلاين فورماتتا اقىسىز تۇرىكشە كۋرس اشىپ, 30 قازاقستان ازاماتىنا تۇركياعا ساپارلاۋعا مۇمكىندىك بەرەدى.
تىركەلۋ 28 اقپاندا اياقتالاتىن ونلاين كۋرسقا كازاقستاننىڭ كەل كەلگەن ايماعىنان جاسى 18-گە تولعان قازاقستان ازاماتتارى قاتىسا الادى. سونداي-اق ءتىل كۋرسىەا كەز كەلگەن دەڭگەيدە تۇرىكشە بىلەتىن قازاقستان ازاماتتارىنىڭ دا قاتىسۋىنا مۇمكىندىك بار. جالپى كولەمى 72 ساعاتتان تۇراتىن كۋرسقا تىركەلگەندەرگە ناۋرىزدىڭ العاشقى اپتاسىندا ەلەكتروندى پوشتالارىنا دەڭگەي انىقتاۋ ەمتيحانىنا قاتىسۋ تۋرالى حابارلاما كەلەدى. كۋرس ماۋسىم ايىندا اياقتالادى.
ايتا كەتەيىك, سىيلىق رەتىندە بەرىلەتىن 30 بيلەت تۇركياعا ۇشاتىن حالىقارالىق باعىتتاعى, ياعني الماتى نەمەسە نۇر-سۇلتاننان ۇشاتىن اۆيارەيستەرگە تيەسىلى.
كۋرسقا قاتىسۋ جانە سىيلىققا يە بولۋ شارتتارى تۋرالى يۋنۋس ەمرە تۇرىك مادەنيەت ورتالىعىنىڭ الەۋمەتتىك جەلى پاراقشالارىنان (فەيسبۋك, ينستاگرام جانە تۆيتەر @YEENursultan ) تولىق تۇردە مالىمەت الۋعا بولادى.
تەلەفون: 87775339130
