وتكەن اپتادا قر ءىىم باسشىسى ەرلان تۇرعىمباەۆ سەناتورلارمەن بىرگە ەلدىڭ پەنيتەنتسيارلىق جۇيەسىن دامىتۋ ماسەلەسىن تالقىلاعان بولاتىن.
«ەرلان تۇرعىمباەۆ قىلمىستىق-اتقارۋ جۇيەسىن دامىتۋ, قاماۋدا ۇستاۋ ورىندارىنىڭ ينفراقۇرىلىمىن جاڭعىرتۋ, سوتتالعانداردى جۇمىسقا ورنالاستىرۋ, ولارعا مەديتسينالىق قىزمەت كورسەتۋ, سونداي-اق مەكەمەلەردى بەينەباقىلاۋمەن جاراقتاندىرۋ تۋرالى باياندادى», دەيدى قر ءىىم رەسمي وكىلى ءنۇردىلدا وراز.
ونىڭ ايتۋىنشا, ۆەدومستۆو باسشىسى قابىلدانىپ جاتقان شارالار سوتتالعانداردى ۇستاۋدى ايتارلىقتاي جاقسارتاتىنىن جانە جازالاردى ورىنداۋ جۇيەسىن ىزگىلەندىرۋ ءۇشىن قۇقىقتىق جاعدايلاردى قامتاماسىز ەتەتىنىن اتاپ وتكەن.
«بۇگىندە سوتتالعانداردىڭ ازىق-ت ۇلىك, كيىم-كەشەك, كىتاپ ساتىپ الۋ مۇمكىندىگى بار. الەۋمەتتىك پايدالى بايلانىستاردى قولداۋ ءۇشىن سوتتالعانداردىڭ تۋىستارىمەن بەينەسويلەسۋ ەنگىزىلەدى. سالەمدەمەلەردىڭ سالماعى, سونداي-اق تاماقتانۋ نورمالارى ارتتى», دەدى ىشكى ىستەر ءمينيسترى ەرلان تۇرعىمباەۆ تالقىلاۋ بارىسىندا.
