سولتۇستىك قازاقستان وبلىسى دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, پەتروپاۆلدا بولعان جارىلىستان 16 ادام زارداپ شەگىپ, اۋرۋحانالارعا جەتكىزىلدى. ولاردىڭ بىرەۋى – 24 جاستاعى جىگىت قالالىق كوپبەيىندى اۋرۋحانادا قايتىس بولدى. قازىر بۇل ەمدەۋ مەكەمەسىندە 20 جاستاعى قىز جانساقتاۋ بولىمشەسىندە جاتىر. جاعدايى ناشار. بەس ادام امبۋلاتورلىق ەمدەلۋگە ۇيلەرىنە جىبەرىلدى. ەم الىپ جاتقان تاعى التاۋىنىڭ جاعدايى ورتاشا.
«10 جاسار بالا وبلىستىق بالالار اۋرۋحاناسىنا ءتۇستى. ونىڭ دا جاعدايى ورتاشا. 1997 جىلى تۋعان ەكى ەر ادام وبلىستىق كوپبەيىندى اۋرۋحانانىڭ جانساقتاۋ بولىمىندە جاتىر, جاعدايلارى اۋىر. جالپى زارداپ شەككەندەردىڭ ورتاشا جاسى 20-25 ارالىعىندا. ەڭ ەرەسەگى – 43 جاستا», دەيدى سقو دەنساۋلىق ساقتاۋ باسقاراماسىنىڭ ءباسپاسوز حاتشىسى گۇلنار سايلاۋقىزى.
ەستەرىڭىزدە بولسا, 21 اقپان كۇنى پەتروپاۆلداعى 5 قاباتتى ءۇيدىڭ ءبىرىنشى قاباتىندا الدىن الا بولجام بويىنشا گاز باللونى جارىلىپ, ارتى ورتكە ۇلاسقان ەدى. ءبىر ادامنىڭ دەنەسى ءۇيىندى استىنان تابىلىپ, ەكىنشىسى اۋرۋحانادا كوز جۇمدى. بۇل وقيعا بويىنشا قىلمىستىق ءىس قوزعالىپ, سقو پروكۋرورى تەرگەۋ بارىسىن ءوز باقىلاۋىنا الدى.
