بۇل شارا ۆاليۋتا باعامى مەن جەتكىزۋشىلەردەن ساتىپ الۋ باعاسىنىڭ كوتەرىلۋىنە, كولىك كارتالارىن جاساۋعا ارنالعان وپەراتسيالىق جانە شىعىنداردىڭ وسۋىنە بايلانىستى قابىلداندى. اتاپ ايتقاندا, ورناتىلعان NXP ءچيپى بار Mifare Plus EV1 ستاندارتىنداعى بايلانىسسىز ميكروپروتسەسسورلىق سمارت-كارتالاردىڭ باعاسى ارتتى. سونداي-اق, اپپاراتتىق-باعدارلامالىق كەشەنگە قىزمەت كورسەتۋدىڭ قۇنى جوعارلادى.
سوندىقتان قازىرگى ۋاقىتتا بارلىق شىعىنداردىڭ ءوسۋىن جانە پايدانى ەسەپتەمەگەندە, كولىك كارتاسىن شىعارۋ شامامەن 1000 تەڭگەنى قۇرايدى.
جالپى العاندا 2021 جىلدىڭ باسىنان باستاپ 8 416 جەڭىلدىگى بار جانە مەكتەپ كولىك كارتالارى ساتىپ الىندى. وتكەن جىلى بۇل كورسەتكىش 59 732 قۇرادى. ال 2019 جىلى 88 108 كارتا ساتىپ الىنعان بولاتىن.
سونداي-اق, جول اقىسىن تولەۋدىڭ ەلەكتروندىق جۇيەسىنىڭ مالىمەتى بويىنشا, وسى ايدا جولاۋشىلار لەگى كۇنىنە 489 مىڭدى قۇرادى. ولاردىڭ ىشىندە ورتا ەسەپپەن كۇنىنە 40 مىڭ مەكتەپ ۆاليداتسياسى جاسالدى. ال جەڭىلدىگى بار كولىك كارتالارى بويىنشا ۆاليداتسيالار – 85 مىڭ.
