اياق كيىم ءىسىنىڭ شەبەرى عايرات حاسانباەۆ اۋەلى اياق كيىم ساتۋ بيزنەسىمەن اينالىستى. قالا بازارلارىندا اياق كيىم ساتۋ بويىنشا 15 جىل تاجىريبەسى بار. سودان سون اياق كيىم ءوندىرىسىن ىسكە قوسۋ كەرەك دەگەن شەشىمگە كەلدى. باستاعان ءىسى تابىستى جۇرگەندىكتەن, ءوز برەندىن تىركەپ, وعان پاتەنت الادى.
«Lux Shoes» -ءدىڭ ءوندىرىس قۋاتى جىلىنا 120 مىڭ جۇپ اياق كيىم. اياق كيىمنىڭ بارلىق ۇلگىلەرى تابيعي بىلعارىدان جاسالعان, قاجەتتى قاسيەتتەرگە يە: جىلۋدى جاقسى ساقتايدى, بۋ جانە ىلعال وتكىزبەيدى, تەردىڭ اسەرىنە ءتوزىمدى, جاقسى سىڭەدى جانە ارتىق ىلعال بەرەدى.
اياق كيىم ءوندىرۋ كەزىندە تۇرىك ۇلگىلەرى قولدانىلعانىمەن, مودەلدەر سول جەردە جاسالادى. سونىمەن قاتار, «Lux Shoes» برەندىنىڭ اياق كيىمى تۇرىك انالوگتارىنان ارزان. كاسىپورىندا «FANTES» جانە «COMELZ» ماركالى تۇرىك جابدىعى ورناتىلعان.
«LUX Shoes» بك» جشس فابريكاعا قاجەتتى قۇرال-جابدىقتار ساتىپ الۋ ءۇشىن «قاراپايىم زاتتار ەكونوميكاسى» باسىم جوبالاردى نەسيەلەۋدىڭ مەملەكەتتىك باعدارلاماسىنىڭ ءبىرىنشى قاتىسۋشىسى بولدى. باعدارلاما اياسىندا جوبانى «اتف بانك» اق 15% - بەن قارجىلاندىردى. 9 %-ىن «دامۋ» قورى سۋبسيديالايدى. قالعان 6% - ى نەسيەنى پايدالانعانى ءۇشىن كاسىپكەردىڭ ءوزى تولەيدى.
كاسىپورىننىڭ ماڭىزدى ماقساتتارىنىڭ ءبىرى – ورتا ازيا ەلدەرىندە ءونىمدى وتكىزۋ نارىعىندا ۇزدىك شىعۋ. سونداي-اق قازاقستاننىڭ ەڭ ۇزدىك باسەكەگە قابىلەتتى كاسىپورىندارىنىڭ قاتارىنا كىرۋدى ماقسات ەتىپ وتىر.
