تەكسەرۋ سەبەبى قاراعاندى وبلىسى بويىنشا ەكولوگيا دەپارتامەنتىنىڭ اتموسفەراعا لاستاۋشى زاتتار شىعارىندىلارىنىڭ رۇقسات ەتىلگەن نورمالارىنان اسىپ كەتۋ فاكتىسى تىركەلگەندىگىمەن بايلانىستى.
19 اقپاندا, ساعات 16: 30-دا, ۇرلەۋ كەزىندە گازدى تازارتاتىن العاشقى سكرۋببەردىڭ قابىرعالارىنا جابىسقان شاڭ N 2 كونۆەرتەرگە قۇلادى. بالقۋ دەرەۋ توقتاتىلدى.
ەكولوگيا مينيسترلىگى ازاماتتاردىڭ ايماقتاعى ەكولوگيالىق احۋالعا قاتىستى الاڭداۋشىلىعىمەن بولىسەتىندىگىن دە حابارلايمىز. سوندىقتان, وسىنداي فاكتىلەرگە قاتىستى جەدەل شارالار قابىلداناتىن بولادى.
اشىقتىق جانە بەيتاراپتىلىق قاعيداتتارىنا نەگىزدەلگەن تەكسەرۋ قورىتىندىلارى بويىنشا, ەكولوگيا مينيسترلىگى ءباسپاسوز كونفەرەنتسياسىن وتكىزۋدى جوسپارلاپ وتىر.
جاڭا ەكولوگيالىق كودەكسكە سايكەس ءىرى كاسىپورىندار ەڭ وزىق قولجەتىمدى تەحنولوگيالاردى (وقت), ياعني بۇگىنگى كۇنى شىعارىندىلار دەڭگەيىن بارىنشا تومەندەتۋ ءۇشىن زاماناۋي سۇزگىلەردى ەنگىزۋى ءتيىس. بۇل تالاپ زاڭمەن بەكىتىلگەن جانە بيىل كۇشىنە ەنەدى.
سونىمەن قاتار, 2019 جىلدىڭ قازان ايىندا ەكولوگيا مينيسترلىگى اتالعان كومپانيامەن 2023 جىلعا دەيىن شىعارىندىلاردى 30% - عا تومەندەتۋ تۋرالى مەموراندۋمعا قول قويعانىن حابارلايمىز. ءوڭىر تۇرعىندارىنىڭ قاتىسۋىمەن وتكەن سوڭعى كەزدەسۋ كەزىندە مينيستر ماعزۇم مىرزاعاليەۆ ارسەلورميتتال تەمىرتاۋ باسشىلىعىنان ساۋىردە شىعارىندىلاردى ناقتى جوسپارمەن جانە ساندارمەن ازايتۋ جونىندەگى ستراتەگيانىڭ تۇساۋكەسەرىن وتكىزۋدى تالاپ ەتتى.
