ايماقتار • 19 اقپان، 2021

قاراعاندى وبلىسىندا قۇرىلىس پەن ونەركاسىپ وركەن جايادى

5 رەت كورسەتىلدى

ونلاين-ەسەپتىك كەزدەسۋدە وبلىس اكىمى جەڭىس قاسىمبەك وڭىردە اۋقىمدى قۇرىلىس جۇمىستارىنىڭ جالعاساتىنىن مالىمدەدى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

بيىل كەزەكتە تۇرعان 3 مىڭنان استام ادام الەۋمەتتىك تۇرعىن ۇيمەن قامتاماسىز ەتىلمەكشى. بۇدان بولەك الەۋمەتتىك قورعالاتىن ساناتتاعى كەزەكتە تۇرعان 2 500 ادام دا باسپانالى بولعان. جەڭىس قاسىمبەك الەۋمەتتىك جالعا بەرىلەتىن جانە نەسيەلىك تۇرعىن ءۇي بەرۋ قارقىنى ءبىر جىلدا 40%-عا وسكەنىن اتاپ ءوتتى.

وبلىس اكىمى قاراعاندى وبلىسىندا 2021 جىلى 14 جاڭا ءوندىرىستى ىسكە قوسىپ، 2 600 جۇمىس ورنىن اشۋدىڭ جوسپاردا بار ەكەنىن ايتتى.  ال ينۆەستيتسيا كولەمى 700 ملرد تەڭگەدەن اسادى دەگەن بولجام بار.

جاقىن ارادا جايرەمدەگى بايىتۋ فابريكاسى، فەرروقورىتپا زاۋىتى جانە Qaz Carbon اگلومەراتسيالىق فابريكاسى سياقتى جوبالاردى جۇزەگە اسىرۋ جوسپاردا بار ەكەن. ساران قالاسىندا قىتايلىق Yutong كومپانياسىنىڭ قاتىسۋىمەن اۆتوبۋستار مەن ارنايى تەحنيكا شىعاراتىن كاسىپورىن ىسكە قوسىلدى جانە جاقىن ارادا شاعىن توراپتى قۇراستىرۋ ىسكە قوسىلاتىن بولادى. سونداي-اق، بيىل رەسەيلىك «تاتنەفت» كومپانياسىنىڭ قاتىسۋىمەن شينا شىعاراتىن زاۋىتتىڭ قۇرىلىسى باستالاتىنىن حاباردار ەتتى وبلىس اكىمى.

قاراعاندى وبلىسىندا بيىل كاسىپكەرلىكتى قولداۋدى قارجىلاندىرۋ 2،5 ەسە وسكەن ەكەن.

– 2020 جىلى «بيزنەستىڭ جول كارتاسى» بويىنشا جەڭىلدىكتى شارتتارمەن وبلىستىڭ 420 كاسىپورنى ءوڭىر ەكونوميكاسىنا 48 ملرد تەڭگە سالىپ، ءوز جوبالارىن ىسكە اسىرا الدى. بۇل 2019 جىلمەن سالىستىرعاندا ەكى ەسە كوپ. بيىل كاسىپكەرلىكتى قولداۋعا بيۋدجەتتە 7 ملرد تەڭگە قاراستىرىلعان. ول وتكەن جىلعىدان 2،5 ەسە ارتىق، – دەدى وبلىس اكىمى.

شاعىن جانە ورتا بيزنەستى  مەملەكەتتىك قولداۋ 2 400 تۇراقتى جۇمىس ورنىن قۇرۋعا مۇمكىندىك بەرگەن. ءبىر جىل ىشىندە ءوز ءىسىن اشۋعا 1900 وتەۋسىز گرانت بەرىلىپتى. وبلىس اكىمىنىڭ ءجۇز گرانتىن جاس كاسىپكەرلەر الدى. سونداي-اق ءتۇرلى مەملەكەتتىك باعدارلامالار بويىنشا قارجىلىق قولداۋدى 3700 كاسىپكەر پايدالانعان. بيزنەسكە تەگىن وقىتۋ كۋرستارىنان 2 800 ادام ءوتتى.

 

 

 

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار