ساپار بارىسىندا گلۋبوكوە اۋدانىنىڭ اكىمى ت.راحىمجانوۆانىڭ, «شىعىس - ادالدىق الاڭى» جوبالىق كەڭسەسىنىڭ باسشىسى م. باحىت, وڭىرلىك اقپاراتتىق-اعارتۋشىلىق شتابىنىڭ باسشىسى ا. ەسىمبەكوۆانىڭ, اكىمدىك اپپاراتىنىڭ باسشىلىعىنىڭ, ZOOM رەجيمىنە قوسىلعان اۋداننىڭ 17 اۋىلدىق وكرۋگتەرى مەن كەنتتەرى اكىمدەرىنىڭ, سونداي-اق باق جانە اۋدان جۇرتشىلىعى وكىلدەرىنىڭ قاتىسۋىمەن سەلەكتورلىق كەڭەس وتكىزىلدى.
كەڭەس بارىسىندا ءوڭىردىڭ سىبايلاس جەمقورلىققا قارسى قىزمەتىنىڭ باسشىسى, سىبايلاس جەمقورلىققا قارسى ءىس-قيمىل شارالارىن كۇشەيتۋ بويىنشا جاڭا زاڭنامالىق وزگەرىستەردى ەگجەي-تەگجەيلى ءتۇسىندىردى. اتاپ ايتقاندا, ءبىرىنشى باسشىلاردىڭ قول استىنداعىلاردىڭ سىبايلاس جەمقورلىق ءۇشىن دەربەس جاۋاپكەرشىلىگىن ەنگىزۋ, سىبايلاس جەمقورلىق فاكتىلەرى تۋرالى حابارلاعانى ءۇشىن ازاماتتاردى كوتەرمەلەۋدىڭ سارالانعان جۇيەسى, مەملەكەتتىك قىزمەتشىلەر مەن ولاردىڭ وتباسىلارىنا سىيلىقتار الۋعا تولىق تىيىم سالۋدى ەنگىزۋ, سىبايلاس جەمقورلىق سۋبەكتىلەرىنىڭ قۇرامىن كەڭەيتۋ جانە پارا بەرگەنى جانە پاراقورلىققا دەلدال بولعانى, سونداي-اق كاسىپكەرلىك قىزمەتكە زاڭسىز ارالاسقانى ءۇشىن جاۋاپكەرشىلىكتى قاتاڭداتۋ تۋرالى انىق ءتۇسىندىرىپ بەردى.
«قىلمىستىق كودەكسكە كاسىپكەرلەردىڭ جۇمىسىنا كەدەرگى كەلتىرگەنى ءۇشىن جاۋاپكەرشىلىكتى كۇشەيتەتىن تۇزەتۋلەر ەنگىزىلدى. ەندى بيزنەسكە ارالاسقانى ءۇشىن سەگىز جىلعا دەيىن باس بوستاندىعىنان ايىرۋ جازاسى قاراستىرىلعان», - دەدى ە.جالماعامبەت.
Transparency Kazakhstan ۇكىمەتتىك ەمەس حالىقارالىق ۇيىمى جۇرگىزگەن قازاقستانداعى سىبايلاس جەمقورلىقتىڭ جاي - كۇيىنە مونيتورينگ ناتيجەلەرى بويىنشا كاسىپكەرلەردىڭ - 48,1% وتكەن جىلى وبلىستا سىبايلاس جەمقورلىقتىڭ تومەندەگەنىن كورسەتەدى.
قورىتىندىلاي كەلە, وبلىستىڭ سىبايلاس جەمقورلىققا قارسى قىزمەتىنىڭ باسشىسى بارلىعىن زاڭسىز سىياقى تولەۋ نەمەسە الۋ ارقىلى ماسەلەلەردى شەشۋگە جول بەرمەۋ بويىنشا كەڭ ءتۇسىندىرۋ جۇمىستارىن جۇرگىزۋگە شاقىردى.
سونداي-اق, ە.جالماعامبەت اۋدان اكىمدىگىنىڭ «ASHYQ AKIMDIK» سەرۆيستىك ورتالىعىنىڭ جۇمىسىمەن تانىستى. اتالعان سەرۆيستىك اكىمدىك «Open space» فورماتىندا جۇمىس ىستەيدى, سول ارقىلى مەملەكەتتىك ورگاننىڭ ازاماتتار ءۇشىن اشىقتىعىن, ەسەپتىلىگى مەن قولجەتىمدىلىگىن قامتاماسىز ەتىلەدى.
گلۋبوكوە اۋدانى اكىمىنىڭ اپپاراتىنا بەلوۋسوۆكا كەنتىندە قىزمەت كورسەتۋدىڭ سەرۆيستىك مودەلىندە اكىمدىك اشۋ قاجەتتىلىگى بويىنشا ۇسىنىمدار ەنگىزىلدى.
