وتىرىستا پارتيانىڭ «وزگەرىستەر جولى: ءار ازاماتقا لايىقتى ءومىر!» اتتى ايماقتىق باعدارلاماسىن جۇزەگە اسىرۋ بويىنشا دايىندالعان جول كارتاسى بەكىتىلدى.
– الداعى 5 جىلدا ءوڭىردى دامىتۋعا باعىتتالعان جول كارتاسىندا 611 كورسەتكىش جانە 1776 ءىس-شارا قامتىلعان. ولار سايلاۋالدى باعدارلامانى تولىق ءارى ساپالى ىسكە اسىرۋ جونىندەگى قاجەتتى بارلىق شارالاردى قامتيدى. باسىم بولىگى الەۋمەتتىك ماسەلەلەردى شەشۋگە, سونداي-اق, ەكونوميكا مەن ءوڭىردىڭ تۇراقتى دامۋىنا باعىتتالعان. حالىقتىڭ بارلىق ساناتى ەسكەرىلگەن. ورىندالۋى جىلدار بويىنشا بەلگىلەنىپ, قارجىلىق تۇرعىدان قامتاماسىز ەتىلگەن, – دەدى گۇلشارا ابدىقالىقوۆا.
Nur Otan پارتياسى قىزىلوردا وبلىستىق فيليالىنىڭ 2025 جىلعا دەيىنگى سايلاۋالدى باعدارلاماسىن جۇزەگە اسىرۋعا باعىتتالعان جول كارتاسى بۇعان دەيىن فراكتسيا وتىرىسىندا كەڭىنەن تالقىلانىپ, وبلىستىق پارتيا فيليالىنىڭ ساياسي كەڭەسى بيۋروسىنا بەكىتۋگە ۇسىنىلعان بولاتىن. مۇنداي جول كارتالارى قالا, ءاربىر اۋداندار بويىنشا دا ارنايى دايىندالىپ, جەرگىلىكتى دەڭگەيدەگى فراكتسيا وتىرىستارىندا قارالدى. بۇل پارتيانىڭ سايلاۋالدى باعدارلاماسىنىڭ ءتۇرلى دەڭگەيلەردە, ياعني وبلىس, قالا, اۋدان دەڭگەيىندە جەرگىلىكتى حالىقتىڭ ۇسىنىستارىن ەسكەرە وتىرىپ دايىندالعانىنىڭ ناتيجەسى.
جيىندا جول كارتاسىن ىسكە اسىرۋ جونىندە الدا بىرلەسە اتقارىلاتىن جۇمىستار ايقىندالىپ, كۇن تارتىبىندە قارالعان ماسەلەلەرگە قاتىستى ناقتى قاۋلىلار قابىلداندى.
