ايماقتار • 18 اقپان، 2021

قىزىلوردادا 67 مىڭنان استام ازاماتتى جۇمىسپەن قامتۋ جوسپارلانىپ وتىر

18 رەت كورسەتىلدى

بۇگىن قىزىلوردا وبلىستىق ماسليحاتىنداعى «Nur Otan» پارتياسى دەپۋتاتتىق فراكتسياسىنىڭ وتىرىسى ءوتىپ، وندا الداعى 5 جىلدا ءوڭىردى دامىتۋعا باعىتتالعان «وزگەرىستەر جولى: ءار ازاماتقا لايىقتى ءومىر» اتتى پارتيانىڭ سايلاۋالدى باعدارلاماسىن ىسكە اسىرۋعا باعىتتالعان جول كارتاسى قارالدى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

فراكتسيا وتىرىسىنا ارنايى قاتىسقان وبلىستىق پارتيا فيليالىنىڭ توراعاسى، وبلىس اكىمى گۇلشارا ابدىقالىقوۆا باعدارلامانىڭ نەگىزگى تۇستارىن اتاپ ءوتىپ، نەگىزگى مىندەتتەرگە توقتالدى.

- سايلاۋالدى ۇگىت كەزەڭىندە ەلىمىز بەن وڭىرلەردى دامىتۋدى كوزدەيتىن پارتيانىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسى تۇرعىندارعا كەڭىنەن ناسيحاتتالدى. باعدارلامادا ناقتى ورىندالۋ مەرزىمدەرى كورسەتىلگەن شارالار تۇرعىنداردىڭ قولداۋىنا يە بولىپ، سايلاۋدا پارتيانىڭ باسىم داۋىس الۋىنا مۇمكىندىك بەردى. ءبىزدىڭ الدىمىزدا پارتيانىڭ سايلاۋالدى ۋادەلەرىن ىسكە اسىرۋ مىندەتى تۇر. وبلىستىق پارتيا فيليالىنىڭ سايلاۋالدى باعدارلاماسىن جۇزەگە اسىرۋ جول كارتاسىنىڭ ناقتى ينديكاتورلارىنىڭ ورىندالۋى بويىنشا جاۋاپتى دەپۋتاتتىق فراكتسيا مۇشەلەرىن بەكىتەمىز. جول كارتاسىنىڭ ءاربىر باعىتىنىڭ ورىندالۋىنا بەكىتىلگەن باسقارمالار جاۋاپتى بولسا، فراكتسيا مۇشەلەرىنە جول كارتاسىنىڭ ورىندالۋىنا باقىلاۋ جاساۋ جۇكتەلەدى. بيۋدجەت قاراجاتىنىڭ ءتيىمدى جۇمسالۋى قاتاڭ باقىلاۋدا بولۋى ءتيىس. الداعى فراكتسيا وتىرىستارىندا اتقارىلعان جۇمىستار ەسەبى تىڭدالاتىن بولادى، - دەدى گۇلشارا ابدىقالىقوۆا.

جيىندا «Nur Otan» پارتياسى قىزىلوردا وبلىستىق فيليالىنىڭ 2025 جىلعا دەيىنگى سايلاۋالدى باعدارلاماسىن جۇزەگە اسىرۋدىڭ جول كارتاسى كەڭىنەن تالقىلانىپ، ساياسي كەڭەس بيۋروسىندا بەكىتۋگە ۇسىنىلدى.

الداعى 5 جىلدى قامتىعان جول كارتاسىندا بارلىعى 611 كورسەتكىش جانە 1776 ءىس-شارا قامتىلعان. اتالعان شارالار اراسىندا جىل سايىن 1000 – عا جۋىق وتباسىن تۇرعىن ۇيمەن قامتاماسىز ەتۋ، از قامتىلعان وتباسىلاردان شىققان 3،5 مىڭ ستۋدەنتكە قوعامدىق كولىكتەردە جول جۇرۋگە الەۋمەتتىك كومەك ءبولۋ، 1 جاستان 6 جاسقا دەيىنگى بالالاردى مەكتەپكە دەيىنگى تاربيەمەن جانە وقىتۋمەن قامتىلۋىن 81%-عا دەيىن ارتتىرۋ، بالالاردى ينكليۋزيۆتى بىلىممەن قامتۋدى 100%-عا دەيىن جەتكىزۋ، «جاس كاسىپكەر» جانە «باستاۋ بيزنەس» جوباسى بويىنشا 3 مىڭ جاستى جىل سايىن وقىتۋ، جاستاردىڭ جۇمىسسىزدىعىن 3،9%-عا دەيىن تومەندەتۋ، 9-دان استام ينۆەستيتسيالىق ەكسپورتقا باعدارلانعان جوبالاردى جۇزەگە اسىرۋ، 5 جىلدا 67 مىڭنان استام ازاماتتى جۇمىسپەن قامتۋ، جىل سايىن «قاراپايىم زاتتار ەكونوميكاسى» باعدارلاماسى اياسىندا كەم دەگەندە 40 كاسىپكەرگە جەڭىلدەتىلگەن نەسيە بەرۋ، جەرگىلىكتى ماڭىزى بار 578،9 شاقىرىم جولدارعا كۇردەلى جانە ورتاشا جوندەۋ جۇمىستارىن جۇرگىزۋ، 24 جاڭا دەنساۋلىق ساقتاۋ نىساندارى مەن 12 جاڭا مەكتەپتىڭ قۇرىلىسىن جۇرگىزۋ جانە اياقتاۋ سەكىلدى حالىقتىڭ ءال اۋقاتىن جاقسارتۋ مەن ءوڭىردى دامىتۋعا نەگىزدەلگەن تىڭ باستامالار بار.

جيىن بارىسىندا جول كارتاسىنىڭ ءاربىر سالاسى بويىنشا ناقتى قويىلعان ينديكاتورلاردىڭ ورىندالۋىنا جاۋاپتى فراكتسيا مۇشەلەرى بەكىتىلدى. سونداي-اق، قىزىلوردا وبلىستىق ماسليحاتىنداعى «Nur Otan» پارتياسىنىڭ دەپۋتاتتىق فراكتسياسى جەتەكشىسىنىڭ ورىنباسارى سايلانىپ، فراكتسيانىڭ 2021 جىلعا ارنالعان جۇمىس جوسپارى بەكىتىلدى.

فراكتسيا وتىرىسىنا وبلىستىق ءماسليحات حاتشىسى جانە جاۋاپتى باسقارما باسشىلارى مەن بۇقارالىق اقپارات قۇرالدارى وكىلدەرى سونداي-اق، سەلەكتورلىق رەجيمدە اۋماقتىق فيليالدار توراعالارى، توراعالاردىڭ ءبىرىنشى ورىنباسارلارى مەن اۋداندارداعى فراكتسيا مۇشەلەرى دە قاتىستى.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار