ايماقتار • 18 اقپان، 2021

قىزىلوردا قالاسىندا اۋىزسۋ باعاسى ارزاندادى

147 رەت كورسەتىلدى

قىزىلوردا قالاسىنىڭ اكىمى نۇرلىبەك نالىباەۆ شاھارداعى بىرقاتار نىسانداردا بولدى. ارالاۋدى الدىمەن كۇردەلى جوندەۋدەن وتكەن «قىزىلوردا سۋ جۇيەسى» مەكەمەسىنىڭ قازىرگى تىنىسى مەن جۇمىسىن كورۋدەن باستاعان قالا باسشىسى جاڭارعان عيماراتتىڭ جاڭالىقتارىنا وڭ باعا بەردى، دەپ حابارلايدى Egemen.kz

مەكەمە عيماراتى 1964 جىلى بوي كوتەرگەن. سودان بەرى جوندەۋ كورمەگەن نىساننىڭ توزىعى جەتىپ، قىزمەتكەرلەردىڭ جۇمىس ىستەۋىنە ايتارلىقتاي قيىندىق تۋىنداعان. بىلتىر جارتى عاسىردان استام تاريحى بار عيماراتتىڭ جاڭا كەيىپكە ەنۋىنە «جۇمىسپەن قامتۋدىڭ جول كارتاسى» باعدارلاماسىنىڭ شاراپاتى ءتيدى.

باعدارلاما اياسىندا بولىنگەن قارجىعا سۋ جۇيەسىنىڭ وندىرىستىك تەحنيكالىق بازاسى جاڭعىرتىلىپ، عيماراتى جوندەلدى. مەكەمە اۋلاسى اسفالتتالىپ، تسەح جانە گاراجى قالىپقا كەلتىرىلدى. سونىمەن بىرگە مەكەمەنىڭ تاعى ءبىر جاڭالىعى تۇرعىنداردىڭ اۋىز سۋ ماسەلەسىنە قاتىستى ساۋالدارىن قابىلداۋعا ارنالعان ديسپەتچەرلىك ءبولىم قۇرىلعان. ارتىقشىلىعى سۋ جۇيەسىنىڭ ماماندارى بۇرىنعىداي ءۇي-ءۇيدى ارالاپ، تۇرعىندار قارىزىن جيناۋمەن اينالىسپايدى. سۋعا قارىزىڭىز بولسا قوڭىراۋ شالىپ نە بولماسا، حابارلاما جازۋ ارقىلى ەسكەرتەدى. ال تۇرعىندار قارىزىنىڭ بار جوعىن انىقتاعىسى كەلسە ورتالىقتىڭ بايلانىس نومەرىنە حابارلاسىپ، اقپارات الۋعا مۇمكىندىگى بار.

ارالاۋ بارىسىندا مەكەمەنىڭ بۇگىنگى وزگەرىسى مەن قول جەتكەن جەتىستىگىنىڭ بارلىعى مەملەكەت تاراپىنان كورسەتىلگەن ۇلكەن قولداۋدىڭ ناتيجەسى دەگەن قالا اكىمى: «عيماراتتارىڭىز جاڭاردى. ەندىگى رەتتە تۇرعىندارعا ۇزدىكسىز قىزمەت كورسەتىپ، ساپالى اۋىز سۋمەن قامتۋ كەرەك»، دەدى ول. سونىمەن بىرگە  قىزمەتكەرلەردىڭ ايلىعىن ۋاقىتىلى تولەپ، ۇزدىك جۇمىسشىلارعا سىياقى بەرۋدى دە ۇيلەستىرۋ كەرەكتىگىن دە اتاپ ءوتتى. سونداي-اق تۇرعىندارمەن تىلدەسىپ، مەكەمەنىڭ قىزمەت كورسەتۋ ساپاسى جايىندا پىكىرلەستى.

ءوز كەزەگىندە مەكەمە باسشىسى مارات جاميەۆ قىزمەتكەرلەردىڭ ايلىعى بۇرىن 6-7 ايعا دەيىن كەشىكتىرىلسە قازىر ءبىر جۇيەگە كەلىپ قالعاندىعىن ايتىپ، سالاداعى جاعىمدى جاڭالىقتىڭ ءبىرى قالاداعى اۋىزسۋ تاريفى ارزانداپ، 61 تەڭگەدەن 44 تەڭگەگە تومەندەگەندىگىن جەتكىزدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار