الماتى وبلىسى پد جەرگىلىكتى پوليتسيا قىزمەتى باسقارماسىنىڭ قىزمەتكەرلەرى وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىمەن بىرلەسكەن ارنايى شارا بارىسىندا بالقاش كولىندە رۇقساتسىز بالىق اۋلاۋمەن اينالىسقان ادامدى ۇستادى. كۇدىكتى مىنگەن «ۋاز» ماركالى كولىكتى تەكسەرۋ كەزىندە ءتورت قاپ تابان بالىق پەن الابۇعا بالىعى تابىلدى.
«بالقاش كولىن تەكسەرۋ بارىسىندا قاراتال اۋدانىنىڭ 35 جاستاعى تۇرعىنى زاڭسىز بالىق اۋلاپ جاتقانىنىڭ ۇستىنەن تۇستىك. سونىمەن قاتار كۇدىكتى پايدالانۋعا مۇلدەم تىيىم سالىنعان پلاستيكالىق اۋدى پايدالانعانى انىقتالدى. اتالعان دەرەك بويىنشا قر قىلمىستىق كودەكسىنىڭ 335-بابىنا سايكەس قىلمىستىق ءىس قوزعالىپ, سوتقا دەيىنگى تەرگەۋ جۇرگىزىلۋدە», دەدى وبلىستىق پد تابيعات قورعاۋ پوليتسياسىنىڭ ينسپەكتورى باعلان رىمجانوۆ.
ءتارتىپ ساقشىسىنىڭ اقپاراتىنا سايكەس تابيعي بايلىققا رۇقساتسىز قول سالعان تۇرعىننىڭ كولىگىنەن 100 كيلوگرامنان استام بالىق پەن پلاستيكالىق اۋ تاركىلەنگەن. بالىقتار ارنايى قابىلداۋ ورىندارىنا وتكىزىلىپ, تۇسكەن قاراجات مەملەكەت پايداسىنا اۋدارىلادى. سونىمەن قاتار تابيعات قورعاۋشىلار كۇدىكتىنىڭ زاڭسىز ارەكەتى مەملەكەتكە 300 مىڭ تەڭگەدەن استام ماتەريالدىق شىعىن اكەلگەنىن اتاپ ءوتتى.
