وڭتۇستىك قازاقستان • 18 اقپان، 2021

مۇرات ايتەنوۆ: سايلاۋالدى باعدارلامانى جۇزەگە اسىرۋ ارقىلى الەۋمەتتىك ماسەلەلەردى شەشەمىز

12 رەت كورسەتىلدى

بۇگىن شىمكەنت قالاسى ماسليحاتىنداعى «Nur Otan» پارتياسى دەپۋتاتتىق فراكتسيا وتىرىسى ءوتتى. وندا پارتيانىڭ سايلاۋالدى باعدارلاماسى نەگىزىندە ازىرلەنگەن جول كارتاسى قارالدى، دەپ حابارلايدى Egemen.kz

جول كارتادا قالانى دامىتۋعا جانە حالىقتىڭ ءال-اۋقاتىن ارتتىرۋعا باعىتتالعان شارالار كەشەنىن قامتىدى. قۇجات نەگىزىنە 2025 جىلعا دەيىن ون باعىت بويىنشا 149 ءىس-شارانى ىسكە اسىرۋ كىرەدى. باعدارلامانى ىسكە اسىرۋعا جالپى 5 جىلدا 1،3 ترلن تەڭگە قارجى قاجەت. ونىڭ ىشىندە مەملەكەتتىك بيۋدجەتتەن – 694،5 ملرد. تەڭگە، جەكە ينۆەستورلاردىڭ ەسەبىنەن – 619،4 ملرد تەڭگە.

سايلاۋالدى باعدارلاماسى اياسىندا 2021-2025 جىلدارى جىلپى قۇنى 1،36 ترلن. تەڭگەنى قۇرايتىن 123 ينۆەستيتسيالىق جوبا ىسكە اسىرۋ كوزدەلۋدە. بۇدان بولەك، بەس جىلدا 3 ميلليوننان استام شارشى مەتر تۇرعىن ءۇي قۇرىلىسى، 72 مەكتەپ قۇرىلىسى مەن 10 مەديتسينالىق مەكەمەنىڭ، 12 دارىگەرلىك امبۋلاتوريالاردىڭ قۇرىلىسى قاراستىرىلعان.

سونىمەن قاتار سپورت ينفراقۇرىلىمىن دامىتۋ ماقساتىندا، 6 دەنە شىنىقتىرۋ – ساۋىقتىرۋ كەشەنى سالۋ مەن 6 ستريت-ۆوركاۋت جانە 73 سپورت الاڭدارىن اشۋ جوسپارلانعان.

فراكتسيا وتىرىسىنا قاتىسقان قالا اكىمى مۇرات ايتەنوۆ سايلاۋالدى باعدارلامانى جۇزەگە اسىرۋ ارقىلى قالاداعى الەۋمەتتىك ماسەلەلەردى شەشۋگە بولاتىنىن جەتكىزدى.

1

«پارتيا باسشىسى، ەلباسى – نۇرسۇلتان ءابىش ۇلى نازارباەۆ حالىقتىڭ جاعدايىن جاقسارتۋ بويىنشا بۇل جولى دا ناقتى ىستەردى اتقارۋ ءۇشىن مىندەتتەردى قويىپ وتىر. وسى مىندەتتەردى جۇزەگە اسىرۋدا بارلىعىمىز بىرلەسە ەڭبەك ەتۋىمىز قاجەت. بىزگە بوساڭسۋعا بولمايدى، حالىقتىڭ پارتياعا دەگەن سەنىمىن سايلاۋالدى باعدارلامادا كورسەتىلگەن 10 باعىتتى ساپالى ءارى ۋاقتىلى ورىنداپ، جۇزەگە اسىرۋ ارقىلى ارتتىرۋىمىز قاجەت. تۋعان قالامىز شىمكەنتتى كوركەيتۋگە، تابىستى ەتۋگە، مۇندا قولايلى ورتا قالىپتاستىرۋعا كۇش سالامىز»، دەدى قالا اكىمى.

جيىن سوڭىندا Nur Otan فراكتسياسىنىڭ بارلىق 23 مۇشەسىنە پارتيانىڭ سايلاۋالدى باعدارلاماسىن ىسكە اسىرۋ جونىندەگى قالالىق جول كارتاسىنىڭ 149-تارماعىن ورىنداۋ جانە باقىلاۋ جۇكتەلدى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار