قوعام • 18 اقپان، 2021

قۇجات اينالىمىنىڭ ۆيرتۋالدى قىزمەتى وڭتايلاندىرىلدى

11 رەت كورسەتىلدى

مەملەكەتتىك ورگانعا جىبەرىلگەن حاتتىڭ جاي-كۇيى تۋرالى اقپاراتتى ەندى Telegram مەسسەندجەرىندەگى ارنايى چات-بوتتان كورۋگە بولادى، دەپ حابارلايدى Egemen.kz قم مەملەكەتتىك كىرىستەر كوميتەتىنە سىلتەمە جاساپ.

 


بۇگىندە قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى Telegram ءموبيلدى قوسىمشاسى الاڭىندا قۇرىلعان «KGD_kantselyariya» ۆيرتۋالدى كومەكشىسىنىڭ جاڭا قىزمەتىن پايدالانۋعا ۇسىنىپ وتىر.

«KGD_ kantselyariya» ۆيرتۋالدى كومەكشىسى قۇجات اينالىمى ماسەلەسى بويىنشا سالىق تولەۋشىلەرگە ىڭعايلى بولۋى ءۇشىن قۇرىلعان. ونىڭ كومەگىمەن ءوتىنىنىش يەسى مىنا اقپاراتتى جەدەل الۋىنا بولادى:

- ءوتىنىشتىڭ كىرىس ءنومىرى مەن كۇنى;
- كوميتەتتىڭ وتىنىشكە بەرگەن جاۋابىنىڭ شىعىس ءنومىرى مەن كۇنى;
- سالىق تولەۋشىنىڭ جۇگىنۋى بويىنشا كوميتەتتىڭ جاۋاپتى ورىنداۋشىسىنىڭ دەرەكتەرى (اتى-ءجونى جانە تەلەفون ءنومىرى).

بۇل اقپاراتتى الۋ ءۇشىن:
- اتى-ءجونىن نەمەسە ۇيىمنىڭ تولىق اتاۋىن;
- ءوتىنىش بەرىلگەن كۇنى مەن شىعىس ءنومىرىن چات-بوتتا جازۋ قاجەت.

اتالعان قىزمەتتى جۇمىس كۇندەرى (سەنبى مەن جەكسەنبىنى قوسپاعاندا) ساعات 9:00-دەن باستاپ 18:30-عا دەيىن پايدالانۋعا بولادى.

سوڭعى جاڭالىقتار

ۇقساس جاڭالىقتار