بريفينگ بارىسىندا اگەنتتىكتىڭ وتكەن جىلعى مەملەكەتتىك قىزمەتتەردى كورسەتۋدى باقىلاۋ سالاسىنداعى جۇمىسىنىڭ قورىتىندىسى شىعارىلىپ, مەملەكەتتىك قىزمەتتەردى كورسەتۋدى جەتىلدىرۋ ماسەلەلەرى تالقىلاندى.
مەملەكەتتىك قىزمەت ىستەرى اگەنتتىگى قىزمەتىنىڭ باسىم باعىتتارىنىڭ ءبىرى حالىققا ساپالى مەملەكەتتىك قىزمەت كورسەتۋدى قامتاماسىز ەتۋ بولىپ تابىلادى.
اگەنتتىكتىڭ مەملەكەتتىك كورسەتىلەتىن قىزمەتتەر دەپارتامەنتى ديرەكتورى يلدار ۇيسىمباەۆتىڭ ايتۋىنشا مەملەكەت باسشىلىعىنىڭ تاپسىرماسىن ىسكە اسىرۋ شەڭبەرىندە تىزىلىمدەگى مەملەكەتتىك قىزمەتتەردىڭ جالپى سانىنىڭ 90% - دان استامى ەلەكتروندىق فورماتقا اۋىستىرىلدى.
«سوڭعى جىلدارى ەلەكتروندىق نىساندا كورسەتىلگەن مەملەكەتتىك قىزمەتتەردىڭ ۇلەسى ەكى ەسەگە ءوستى (2017 جىلعى 53,1% - دان 2020 جىلى 82,9% - عا دەيىن). مەملەكەتتىك قىزمەت كورسەتۋ راسىمدەرىن بۇزۋ سانى 3 ەسەدەن استام ازايدى (370 مىڭنان 114 مىڭعا دەيىن)»- دەدى يلدار ۇيسىمباەۆ.
بۇل رەتتە, وسى باعىتتاعى وڭ وزگەرىستەرگە قاراماستان, اگەنتتىك قىزمەتتەرگە قولجەتىمدىلىك مونيتورينگى شەڭبەرىندە "ەلەكتروندىق ۇكىمەت" پورتالىندا قولجەتىمسىز 54 قىزمەتتى انىقتادى.
انىقتاما رەتىندە: جۇمىس ىستەمەيتىن قىزمەتتەردىڭ كوپشىلىگى كەلەسى مەملەكەتتىك ورگانداردىڭ قۇزىرەتىنە تيەسىلى: ءسىم (45,5%), ەڭبەكمينى (21,4%), بعم (20,8%), دسم (16,2%), ءىىم (12,8%), مسم (11,5%), اشم (10,5%), قارجىمينى (8,7%), ءتسدياوم (7,7%), ۇەم (7,1%), ەم (5%), ادىلەتمينى (3,8%), ررفر (3%), ەگترم (2,4%), يدم (0,9%).
«مىسالى, دارىگەردىڭ قابىلداۋىنا جازىلۋ, مىندەتتى مەملەكەتتىك تىركەۋگە جاتپايتىن جىلجىمالى م ۇلىك كەپىلىن تىركەۋ سياقتى جانە ت.ب مەملەكەتتىك قىزمەتتەردى الۋ بويىنشا ءتيىستى پورتال تەحنيكالىق تۇرعىدا قولجەتىمسىز بولعان»- دەدى يلدار ۇيسىمباەۆ.
قىزمەت الۋشىلاردىڭ وتىنىشتەرىن ساپالى قاراۋ جانە ولاردىڭ بۇزىلعان قۇقىقتارىن قالپىنا كەلتىرۋ اگەنتتىكتىڭ باسىم باعىتتارىنىڭ ءبىرى بولىپ تابىلادى.
2020 جىلى اگەنتتىككە جانە ونىڭ اۋماقتىق بولىمشەلەرىنە 1442 ءوتىنىش كەلىپ ءتۇستى.
كورسەتىلەتىن قىزمەتتى بەرۋشىلەردىڭ جەر قاتىناستارى (30%), الەۋمەتتىك سالا (14%) جانە تۇرعىن ءۇي-كوممۋنالدىق شارۋاشىلىق (11%) سالالارىنداعى زاڭسىز ءىس-ارەكەتتەرىنە ءجيى شاعىم جاسالادى.
ورتالىق مەملەكەتتىك ورگاندار اراسىندا كورسەتىلەتىن قىزمەتتى الۋشىلار "ازاماتتارعا ارنالعان ۇكىمەت" مەملەكەتتىك كورپوراتسياسى (16% نەمەسە 141), پوليتسيا (5% نەمەسە 47) جانە ەڭبەك جانە حالىقتى الەۋمەتتىك قورعاۋ (2,2% نەمەسە 20) قىزمەتكەرلەرىنىڭ ارەكەتتەرىنە ءجيى شاعىمدانادى.
جەرگىلىكتى اتقارۋشى ورگاندار قىزمەتكەرلەرىنىڭ ارەكەتىنە 520 ءوتىنىش كەلىپ تۇسكەن (تۇسكەن وتىنىشتەردىڭ جالپى سانىنىڭ 36%).
«اگەنتتىك تەك وتىنىشتەردىڭ نەگىزىندە 266 جوسپاردان تىس تەكسەرۋ جۇرگىزدى, قورىتىندىسى بويىنشا مەملەكەتتىك ورگانداردىڭ 207 قىزمەتكەرى تارتىپتىك جاۋاپكەرشىلىككە تارتىلدى. 33 لاۋازىمدى تۇلعا اكىمشىلىك جاۋاپكەرشىلىككە تارتىلدى. 90% جاعدايدا قىزمەت الۋشىلاردىڭ قۇقىقتارى قالپىنا كەلتىرىلدى»-دەپ اتاپ ءوتتى يلدار ۇيسىمباەۆ.
جالپى, وتكەن جىلى اگەنتتىك باقىلاۋ فۋنكتسيالارى شەڭبەرىندە 646 تەكسەرۋ ءىس-شارالارىن جۇرگىزدى.
مەملەكەتتىك قىزمەت كورسەتۋ سالاسىندا انىقتالعان زاڭ بۇزۋشىلىقتاردى, ولاردى جاساۋعا ىقپال ەتەتىن سەبەپتەر مەن جاعدايلاردى جويۋ جونىندە 446 نۇسقاۋلىق ەنگىزىلدى.
تەكسەرۋ ناتيجەلەرى بويىنشا قىزمەت بەرۋشىلەردىڭ 646 قىزمەتكەرى تارتىپتىك جاۋاپكەرشىلىككە تارتىلدى (اكىمدىكتەر – 434, ورتالىق مەملەكەتتىك ورگاندار مەن ولاردىڭ ۆەدومستۆولارى – 212), ونىڭ ىشىندە 25,5% (165) قىزمەت كورسەتۋشىلەردىڭ باسشىلىق قۇرامىنا كەلەدى.
مەملەكەتتىك قىزمەت كورسەتۋ سالاسىندا 114 مىڭنان استام زاڭ بۇزۋشىلىق انىقتالدى, ونىڭ ىشىندە ورتالىق مەملەكەتتىك ورگاندار مەن ولاردىڭ ۆەدومستۆولارى زاڭناما تالاپتارىن ساقتاماۋدا 87,5 مىڭ فاكتىگە, جەرگىلىكتى اتقارۋشى ورگاندار 26,5 مىڭ فاكتىگە جول بەرگەن.
انىقتالعان ولقىلىقتاردىڭ 80,5% -ى (91,8 مىڭ فاكت) كورسەتىلەتىن قىزمەتتى الۋشىلاردان ارتىق قۇجاتتاردى تالاپ ەتۋ بولىپ تابىلادى.
رۇقسات بەرۋ مەرزىمدەرىن, ءتارتىبىن بۇزعانى, سونداي-اق ولاردى بەرۋدەن نەگىزسىز باس تارتقانى ءۇشىن اكىمشىلىك قۇقىق بۇزۋشىلىق تۋرالى 410 حاتتاما تولتىرىلدى. قاراۋ ناتيجەلەرى بويىنشا 174 لاۋازىمدى تۇلعا قۇقىق بۇزۋشىلىقتارعا جول بەرگەن (ومو قىزمەتكەرلەرى – 148, جاو قىزمەتكەرلەرى - 26).
مەملەكەت كىرىسىنە ايىپپۇل تۇرىندە 10,5 ملن. تەڭگە وندىرىلگەن.
اگەنتتىكتىڭ ۇسىنىسى بويىنشا ازاماتتىق قوعامنىڭ بەلسەندى وكىلدەرىنىڭ قاتىسۋىمەن «قوعامدىق باقىلاۋ» ينستيتۋتى ەنگىزىلدى.
قوعام وكىلدەرى باقىلاۋدى ءۆيزۋالدى تۇردە قاراۋ, مەملەكەتتىك ورگاندار مەن ۇيىمدارعا كەلۋشىلەرمەن اڭگىمەلەسۋ ارقىلى جۇزەگە اسىرادى.
2020 جىلى ازاماتتىق قوعام وكىلدەرى مەملەكەتتىك قىزمەت كورسەتەتىن 300 – دەن استام نىسانداردا باقىلاۋدى جۇزەگە اسىرىپ, ناتيجەسىندە ولقىلىقتاردى جويۋ جونىندە 287 ۇسىنىم ەنگىزىلىپ, 9 لاۋازىمدى تۇلعا تارتىپتىك جاۋاپكەرشىلىككە, 1-ءى اكىمشىلىك جاۋاپكەرشىلىككە تارتىلدى.
اتقارىلعان 245 ۇسىنىم قورىتىندىسى بويىنشا قوعام وكىلدەرى پوست-باقىلاۋدى جۇزەگە اسىردى, قازىرگى كەزەڭدە 42 ۇسىنىم ورىندالۋ پروتسەسىندە.
ءوز ۇسىنىمدارىندا قوعام وكىلدەرى قىزمەت كورسەتۋشىلەردى ءوز قىزمەتىن ازاماتتاردىڭ ءال-اۋقاتىنىڭ دەڭگەيىن ارتتىرۋعا, مەملەكەتتىك قىزمەتتەردىڭ اشىقتىعىن كۇشەيتۋگە, ولاردىڭ ادامدار مەن بيزنەستىڭ قاجەتتىلىكتەرى مەن مۇددەلەرىن ەسكەرۋگە شاقىرادى.
