سۋرەت: kaz.inform.kz
بۇل پلاتفورما بولاشاقتا سالانىڭ بارلىق اقپاراتتىق جۇيەلەرىن بىرىكتىرىپ, دەرەكتەردى ساقتاۋدى ورتالىقتاندىرۋ بارىسىن قامتاماسىز ەتەدى. سونىڭ نەگىزىندە سالالىق كورسەتكىشتەردى كەشەندى ءارى ۇزدىكسىز مونيتورينگتەۋگە مۇمكىندىك بەرەتىن دامىعان BI-تالداۋ جۇيەسى قالىپتاستىرىلادى. بۇل جۇيە سۋبسيديالاۋ جانە مەملەكەتتىك قىزمەتتەر كورسەتۋ ۇدەرىستەرىنىڭ اشىقتىعىن قامتاماسىز ەتىپ, نەگىزگى تيىمدىلىك كورسەتكىشتەرىن (KPI) باقىلاۋعا, سونداي-اق ۋاقتىلى ءارى نەگىزدەلگەن باسقارۋشىلىق شەشىمدەر قابىلداۋ ءۇشىن قاجەتتى جەدەل جانە تالدامالىق ەسەپتىلىكتى قالىپتاستىرۋعا مۇمكىندىك بەرەدى.
پلاتفورمانى قۇرۋ بارلىق قاتىسۋشى ءۇشىن بىرقاتار ارتىقشىلىق تا ۇسىنادى دەپ كۇتىلۋدە. ماسەلەن, مەملەكەت ءوز كەزەگىندە ءوندىرىس, سۋبسيديالاۋ جانە ينۆەستيتسيالار بويىنشا سەنىمدى تالدامالىق بازاعا يە بولادى; فەرمەرلەر اكىمشىلىك جۇكتەمەنى ازايتا وتىرىپ, قىزمەتتەر مەن قارجىلىق قۇرالدارعا قولجەتىمدىلىكتى جەڭىلدەتەدى; ال قارجى سەكتورى تاۋەكەلدەردى باعالاۋ مۇمكىندىكتەرىن كەڭەيتەدى.
مەملەكەت دەرەكتەرگە باقىلاۋدى ساقتايدى, ال بارلىق شەشىمدەر قازاقستاننىڭ زاڭناماسىنا سايكەستەندىرىلىپ, تەحنولوگيالىق بەيتاراپتىق پەن باسەكەلەستىك قاعيداتتارىن ەسكەرە وتىرىپ قابىلدانادى.
پلاتفورمانى قۇرۋ جۇمىسى سالالىق ماماندار مەن نەگىزگى قاتىسۋشىلاردىڭ قاجەتتىلىكتەرىن ەسكەرە, كەزەڭ-كەزەڭىمەن جۇزەگە اسىرىلادى.
