ءبىز سياقتى قانشاما ادام دۇنيەگە كەلۋدە؟ وسى ادامداردىڭ بارلىعى ءبىر زاڭعا باعىنادى. ول – كونستيتۋتسيا دەپ اتالادى. ءار ەلدىڭ, مەملەكەتتىڭ ءوز ازاماتتارىنا ارنالعان زاڭى, كونستيتۋتسياسى بار. بۇل زاڭدا ءبىزدىڭ قۇقىقتارىمىز عانا ەمەس, مىندەتتەرىمىز دە قاتار جازىلعان.
قۇقىق – قوعامداعى ادامداردىڭ ءوزارا قاتىناسىن رەتتەپ وتىراتىن مەملەكەت بەلگىلەپ, قورعايتىن نورمالار مەن ەرەجەلەر جيىنتىعى, وسى نورمالاردى زەرتتەيتىن عىلىم.مىندەت – ادامدار بۇلجىتپاي ورىنداۋعا ءتيىستى ءتارتىپ پەن قارىم-قاتىناسقا قويىلاتىن تالاپ.
وسى تاقىرىپتىڭ اياسىندا س.جيەنباەۆ اتىنداعى وبلىستىق جاسوسپىرىمدەر كىتاپحاناسىندا, وقىرمانداردىڭ قۇقىقتىق ساۋاتتىلىعىن ارتتىرۋ ماقساتىندا «مەن جانە مەنىڭ قۇقىعىم» اتتى وي-پىكىر ساعاتى وتكىزىلدى. شارا بارىسىندا وقىرمانداردىڭ سۇرانىسىنا ساي قاجەتتى سۇراقتار تالقىلانىپ, كەرەكتى اقپاراتتار وي تالقىعا ءتۇستى. ادىلەت دەپارتامەنتىنىڭ حالىققا زاڭگەرلىك قىزمەت كورسەتۋ جانە قۇقىقتىق ءتۇسىندىرۋ جۇمىسى ءبولىمىنىڭ باسشىسى جۋمين جاقسىلىق جانات ۇلى وقىرماندارىمىزدىڭ سۇراقتارىنا جاۋاپ بەرىپ, اقىل – كەڭەسىن ۇسىندى. شارا سوڭىندا كىتاپحانا ديرەكتورى گۇلجاينار نارەنقىزى پىكىر-تالاسقا بەلسەنە قاتىسقان وقىرماندار مەن ارنايى ۋاقىت ءبولىپ كەلىپ, كوپشىلىككە ءتۇسىندىرۋ جۇمىستارىن جۇرگىزگەن مەيمانعا العىسىن ءبىلدىردى.
«قۇقىعىڭدى قورعاي ءبىل!» اتتى كىتاپ كورمەسى ۇيىمداستىرىلىپ, كىتاپحانا قورىندا ساقتالعان, اتالمىش تاقىرىپ اياسىنداعى ادەبيەتتەر, گازەت – جۋرنالدار, ماقالالار كوپشىلىك نازارىنا ۇسىنىلدى. جاقسى ءىستىڭ جارشىسى بولىپ, يگى ىستەردىڭ باستاماسىندا جۇرەتىن كىتاپحانا ۇجىمى ءۇشىن وسىنداي حالىققا پايدالى, وقىرماندارىنا وي سالاتىن ىزگى نيەتتى شارالار ءداستۇرلى تۇردە ءوز جالعاسىن تابا بەرەدى.
ازاتگۇل قايناقاەۆا,
س.جيەنباەۆ اتىنداعى
وبلىستىق جاسوسپىرىمدەر
كىتاپحاناسىنىڭ كىتاپحاناشىسى.
اقتوبە قالاسى.
